आज राष्ट्र बैंकले १२ अर्बको ट्रेजरी बिल बोलकबोल गर्ने

काठमाडौं– नेपाल राष्ट्र बैंकले सोमबारका लागि सरकारको आन्तरिक ऋण नवीकरण गर्ने तालिका सार्वजनिक गरेको छ। बैंकले १२ अर्ब २३ करोड ३२ लाख रुपैयाँको ट्रेजरी बिल बोलकबोल गर्न लागेको हो । राष्ट्र बैंकले २८ दिने २०० करोड रुपैयाँ, ९१ दिने २२३ करोड ३२ लाख रुपैयाँ, १८२ दिने ६०० करोड रुपैयाँ र ३६४ दिने २०० करोड रुपैयाँ बराबरको ट्रेजरी बिल नवीकरण गर्न लागेको जानकारी दिएको छ । बैकले १४ प्रतिशतसम्म ब्याजमा ट्रेजरी बिल नवीकरण गरेको छ । पछिल्ला दिन बैंकहरुले धेरै ब्याज माग गरेपछि राष्ट्र बैंक आफैले ट्रेजरी बिल किनेको हो । आइतबार बैंकहरुले राष्ट्र बैंकबाट स्थायी तरलता सुविधा (एसएलएफ) बापत ३० अर्ब १२ करोड ७५ लाख रुपैयाँ सापटी चलाएका हुन् । चालु आर्थिक बर्ष मात्र कुल ९ खर्ब २४ अर्ब ६० करोड ७० लाख रुपैयाँ चलाइसकेको जानकारी दिएको छ ।