बलात्कार आरोपमा १४ महिना जेल सजाय भोगेका अपराधि पृष्टभूमिका निर्माण व्यवसायी बिकास गौतमको दमक स्थित घरलाई एमाले अध्यक्ष केपी शर्मा ओलीले आफ्नो निर्वाचन प्रचारको हेडक्वाटर बनाएका छन् ।
निर्माण व्यवशायी हेटौंडाका विकास गौतमले भर्खरै मात्र झापाको दमकमा उक्त घर किनेका हुन्। मोतीदान कन्स्ट्रक्सन कम्पनीका सञ्चालक रहेका गौतमले घर खरिद र साजसज्झामा झन्डै ३ करोड रुपैया खर्च गरेका छन् । दमकमा रहेको ओली निवाश साघुरो भएपछि एमाले अध्यक्ष ओलीकै निम्ति भनेर निर्माण व्यवशायी गौतमले उक्त घर खरिद गरि साजसज्झा गरेको एमाले स्थानीय नेताहरू बताउछन् । साजसज्झाको काम पुरा भइनसक्दै एमाले अध्यक्ष ओलीले गौतमको यही घरबाट भेटघाट सुरु गर्न थालिसकेका छन् ।
एमाले अध्यक्ष केपी ओली र मोतीदान कन्स्ट्रक्सन कम्पनीका सञ्चालक विकास गौतम कनेक्सन र ओली कृपा :
बिकास गौतम हेटौडाका प्रवाभशाली एमाले नेताका सन्तान हुन् । गौतमले एमाले अध्यक्ष ओलीकै कृपाले मदन भण्डारी राजमार्गको धरानदेखि बेलडाँगीसम्म ५३ किलोमिटर, शान्तिनगरदेखि मेचीडाँगीसम्मको १० किलोमिटर सडक निर्माणको तीन प्याकेज ठेक्का हात पारेका छन् । यस्तै हुलाकी राजमार्गअन्तर्गत ओलीकै निर्वाचन क्षेत्र मोरंग झापाको सिमाना रतुवा नदीदेखि माइसम्मको १४ किलोमिटर र माइदेखि विरिङ्ग सम्मको ११ किलोमिटर ठेक्का पाएका छन् ।
को हुन् घरबेटी ठेकदार ?
ओलीलाई घर दिने ठेकेदार गौतम बलात्कार मुद्दामा १४ महिना जेल बसेका व्यक्ति हुन् । २०७४ माघमा दरबारमार्गको ल्याण्डमार्क होटलमा भएको सामूहिक बलात्कार प्रकरणमा सहभागी मध्ये गौतम पनि एक हुन् ।
एक बेहोस युवतीलाई सामुहिक बलात्कार गरेको आरोप गौतमलाई लागेको थियो । युवातीले प्रहरीमा जाहेरी दिईन । आफूविरुद्ध जाहेरी परेको थाहा पाएपछि ठेकेदार गौतमले प्रहरीको मिलेमतोमा ३० लाख रुपैयाँ पीडितलाई दिएर घटना लुकाउन खोजेका थिए । तर घटना बाहिरियो । मिलापत्र गराएको अभियोगमा दरबारमार्गका तत्काली डीएसपी तिलक भारती, प्रहरी निरीक्षक लक्ष्मणसिंह ठकुरी लगायतका प्रहरी अधिकृतहरु कारबाहीमा परे । त्यसपछि केश जिल्ला अदालत काठमाडौंमा प्रवश गर्यो । जिल्ला अदालतले गौतमलाई १४ महिना कैद सजाय तोक्यो ।
१४ महिना जेलमा सजाय काटेर छुटेपछि गौतमले अस्वाभाविक सफलता हात पारे । एमाले अध्यक्ष केपी ओलीको कृपाले उनको कन्स्ट्रक्सन कम्पनिले अरवौको ठेक्का पायो । यहि गुण तिर्न गौतमले अध्यक्ष ओलीको लागि एक घरनै किने ।
एमाले स्थानीय नेताहरू एमाले अध्यक्षको यो कार्यसँग रुष्ट छन् । राप्रपाले साथ् नदिएमा र गठबन्धन एकढिक्का भएमा निर्वाचन फलामको चिउरा हुने बुझेका अध्यक्ष ओलीमाथि निर्वाचनको ठूलो दवाव छ । त्यहिभेएर पनि निर्वाचनमा माफिया ठेकेदारको साथ चाहिएको होला भन्दै एमालेका स्थानीय कार्यकर्तानै व्यंग्य गर्दछन ।
प्रतिक्रिया दिनुहोस्