निलम्बित प्रधानन्यायाधीश चोलेन्द्र शम्सेर जबराले आफू विवेकहीन भएको भन्दै माफी मागेका छन् ।
रञ्जन कोइरालाको मुद्दामा विवेक प्रयोग गरेको भन्दै उनले यसैका कारण महाअभियोग लगाइएको हो भने जनतासमक्ष माफी माग्ने महाअभियोग सिफारिस समितिमा दिएको बयानमा बताए । आज तेस्रो दिनको बयानमा जबराले भने ‘त्यसमा गल्ती भयो विवेक प्रयोग गर्दा भने जनता समक्ष क्षमा माग्दछु , मलाई प्रायश्चित भएको छ,’ ।
श्रीमतीको क्रूरतापूर्वक हत्या गरेको अभियोगमा २० वर्ष सजायँ पाएका रञ्जन कोइरालाको सजायँ जबराले ८ वर्षमा झारेका थिए । यसमा न्यायाधीशलाई विवेक प्रयोग गर्ने अधिकार भएकाले त्यसलाई प्रयोग गरेको उनको दावी छ ।
महाअभियोग सिफारिस समितिको अर्को बैठक आगामी २६ गते बस्ने छ ।
प्रतिक्रिया दिनुहोस्