नेकपा एमालेले प्रतिनिधिसभा र प्रदेशसभा निर्वाचनका लागि भाद्र २२ भित्रमा उम्मेदवार सिफारिस गरिसक्न निर्देशन दिएको छ । आज सकिएको एमाले केन्द्रीय कमिटीको बैठकले उक्त निर्देशन दिएको हो ।
अव पहिले उमेदवारको छनौटको लागि निर्वाचन क्षेत्रबाट क्षेत्रीय कमिटीले ३ जना उम्मेदवार सिफारिस गर्नेछ, जिल्ला र प्रदेशले त्यसमा थप सुझाव दिएर केन्द्रमा नाम पठाउने छन् । उम्मेदवारको अन्तिम टुंगो भने केन्द्रले लगाउने छ ।
केन्द्रीय कमिटीले उमेदवार सिफारिस गर्दा केहि मापदण्ड पनि बनाएको छ । जस अनुसार
- ३ जना मद्धे एक महिला सिफारिस हुनुपर्नेछ ।
- समानुपातिकतर्फ एक पटक अवसर पाएकाहरुलाई आम रुपमा नदोहोर्याउने ।
- स्थानीय तहमा निर्वाचित भएकाहरुलाई पनि राजीनामा गराएर उम्मेदवार सिफारिस नगर्ने ।
- पछिल्लो पटक भएका कुनै पनि निर्वाचनमा पराजित भएकाहरुलाई उम्मेदवार नबनाउने । (अन्य पार्टीबाट प्रवेश गरेकाहरुको हकमा भने विशेष निर्णय गरिने ) ।
- जित्ने सम्भावना बढी र संसदीय भूमिका प्रभावकारी खेल्न सक्ने व्यक्ति हेर्नुपर्ने ।
प्रतिक्रिया दिनुहोस्