दुई वर्षअघि भ्रष्टाचार मुद्दामा दोषी ठहर गरेको अदालतको फैसला पुनरावलोकन नहुने भए संगै मलेसियाका पूर्वप्रधानमन्त्री नजिब रजाकलाई १२ वर्षका लागि जेल चलान गरिएको छ । संघीय अदालतले यस अघिको फैसलालाई कायम राख्दै उनको पुनरावेदन अस्वीकार गरेसँगै रजाक जेल गएका हुन् ।
वान एमडीबीको पूर्वइकाइ एसआरसी इन्टरनेसनलबाट अवैध रूपमा ९४ लाख अमेरिकी डलर आफ्नो व्यक्तिगत खातामा सारेको फैसला गर्दै अदालतले उनलाई १२ वर्षको जेल सजाय र ४ करोड ६० लाख ८० हजार अमेरिकी डलर जरिवाना सुनाएको थियो ।
अभियोजनकर्ताहरूले रजाक सहसंस्थापक रहेको वान एमडीबीबाट ४ अर्ब ५० करोड अमेरिकी डलर हिनामिना गरिएको दाबी गरेका थिए । त्यसमध्ये एक अर्ब अमेरिकी डलर रजाकको खातामा भेटिएको भन्दै उनीहरूले प्रमाण पेस गरेका थिए ।
प्रतिक्रिया दिनुहोस्