अमेरिका, अस्ट्रेलिया र न्युजिल्यान्ड मध्य एक देशबाट बोर जातको बोका ल्याउने तयारी

काठमाडौं– नेपाल सरकारले १२ वटा बोर बाख्राको पाठा (बोका) खरिद गर्ने प्रक्रिया सोमबार सिलबन्दी बोलपत्र आह्वान गरेर अगाडि बढाएको छ। राष्ट्रिय बाख्रा अनुसन्धान परिषद्ले सक्षम र इच्छुक आपूर्तिकर्ताले बोका सरकारलाई उपलब्ध गराउन सक्ने उल्लेख गरेको छ । यसका लागि ३० दिनभित्र आवेदन दिन आवहन गरेको छ । बोर जातको बोको अस्ट्रेलिया, न्यूजिल्यान्ड, अमेरिकामध्ये कुनै एउटा देशको हुनु पर्ने सर्त रहेको छ । उपलब्ध गराउन इच्छुकले तत्काल धरौटीबापत १ लाख ३० हजार जम्मा गर्नुपर्ने बताएको छ । उक्त बोकाको मूल्य एउटैको पाँच लाख रुपैयाँसम्म पर्ने बताइएको छ । नेपालमा पछिल्लो बोयर जातको बढि बाख्रा किसानहरुले पाल्दै आएका छन् । स्थानीय बाख्रासँग बोयर बाख्रा क्रस गराएर पालन गर्ने गरेका छन् । त्यस्तै जमुनापारी र खरि जातका बाख्रा पनि किसानहरुको रोजाइमा पर्ने गरेको छ ।