पार्टी केन्द्रीय कार्यालय पेरिसडाँडामा जारी स्थायी कमिटीको बैठकमा नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले पार्टीको महासचिवमा देव गुरुङलाई बनाउन गरेको प्रस्ताव स्थायी कमिटीले पास गरेको छ ।
त्यस्तै अध्यक्ष प्रचण्डले २१ सदस्यीय पदाधिकारी रहने प्रस्ताव पेस गरेका थिए ।
जसअनुसार अव अध्यक्षसहित, एक वरिष्ठ उपाध्यक्ष, उपाध्यक्ष, महासचिव, ७ उपमहासचिव, ९ सचिव र कोषाध्यक्ष रहने छन् ।
प्रचण्डको प्रस्ताव अनुसार वरिष्ठ उपाध्यक्षमा नारायणकाजी श्रेष्ठ ,उपाध्यक्षमा कृष्णबहादुर महरा,उपमहासचिवमा बर्षमान पुन, जनार्दन शर्मा, पम्फा भुसाल, गिरिराजमणि पोखरेल, शक्ति बस्नेत, मात्रिका यादव र हरिबोल गजुरेल यस्तै सचिवमा दिनानाथ शर्मा, चक्रपाणि खनाल, देवेन्द्र पौडेल, लीलामणि पोखरेल, गणेश शाह, हितमान शाक्य, हितराज पाण्डे, डिलाराम आचार्य र राम कार्की रहेका छन् । कोषाध्यक्ष श्रीराम ढकाल भएका छन् ।
प्रस्ताव पास भएको उपाध्यक्ष कृष्ण बहादुर मोहरा ले वताए ।
प्रतिक्रिया दिनुहोस्