काठमाडौँ – नेपाल स्टक एक्सचेञ्ज (नेप्से) परिसूचकमा आज सामान्य गिरावट दर्ता भएको छ। साताको तेस्रो कारोबार दिन मङ्गलबार नेप्से परिसूचक ४.६४ अङ्कले घटेर २,६९६.६७ विन्दुमा ओर्लिएको हो। ठूला कम्पनीहरूको सेयर मापक सेन्सेटिभ परिसूचक पनि ०.७० अङ्कले घटेर ४७०.७९ विन्दुमा सीमित भएको छ।
बजार परिसूचक घटे पनि आज कारोबार रकममा भने राम्रो उत्साह देखिएको छ। दिनभर कुल ३०० भन्दा बढी कम्पनीका १ करोड ४ लाख २१ हजार ८६३ कित्ता सेयर खरिदबिक्री हुँदा रु. ४ अर्ब ४२ करोड ७३ लाख ५ हजार ५४२ बराबरको आर्थिक कारोबार भएको छ।
आज बजारमा तीव्र उतारचढावका बीच अधिकांश उपसमूहहरू नोक्सानीमा रहे। कुल १३ उपसमूहमध्ये ९ वटा उपसमूहको परिसूचक ओरालो लागेको छ भने बाँकी ४ उपसमूहमा मात्र सुधार देखिएको छ। समग्र बजारमा कुल ९८ कम्पनीको सेयर मूल्य बढेको छ, १६६ कम्पनीको घटेको छ र १३ कम्पनीको मूल्यमा कुनै परिवर्तन भएको छैन।
आजको कारोबारमा एभरेष्ट कलर लिमिटेड, लक्ष्मी उन्नति कोष र गरिमा समृद्धि योजनाका लगानीकर्ताहरूले सर्वाधिक नाफा कमाएका छन्। अर्कोतर्फ, कुथेली बुखरी स्मल हाइड्रोपावर, सिद्धार्थ इक्विटी फण्ड र मेगा म्युचुअल फण्डका सेयरधनीहरूले आज सबैभन्दा धेरै गुमाएका छन्।
प्रतिक्रिया दिनुहोस्