काठमाडौं – नेपाल आयल निगमले इन्धनको मूल्य पुनरवलोकन गरेको छ। बुधबार सूचना जारी गर्दै मध्य रातिबाट लागू हुने गरी डिजेल र मट्टितेल प्रतिलिटर ३० रुपैयाँ तथा हवाइ इन्धन आन्तरिकतर्फ प्रतिलिटर ५ रुपैयाँ बढाएको हो।
तर पेट्रोलको भने यथावत राखिएको निगमले जनाएको छ। पछिल्लो हेरफेरपछि डिजेल र मट्टितेल २३७ रुपैयाँ प्रतिलिटर पुगेको छ। पहिलो वर्गमा भने २३४.५० र दोस्रो वर्गमा २३६ रुपैयाँ रहेको छ।
- Advertisement -
मूल्य समायोजनपछि डिजेलमा प्रतिलिटर ९९.१६ रुपैयाँ अझै घाटा हुने निगमको भनाइ छ। इन्डियन आयल कर्पोरेसनले नेपालमा नयाँ खरिद मूल्यसूची पठाएपछि नेपालमा पनि हेरफेर भएको हो।
प्रतिक्रिया दिनुहोस्