पृथ्वी राजमार्गको जामुने–खैरेनी सडक पहिरोले अवरुद्ध

काठमाण्डौ । पृथ्वीराजमार्ग तनहुँको म्याग्दे गाउँपालिका–४ स्थित तुरतुरेमा शनिवार बिहान पहिरो खस्दा जामुने–खैरेनी सडक अवरुद्ध भएको छ । शुक्रवार रातिदेखि परेको वर्षाले पहिरो खसेपछि पृथ्वी राजमार्गको सडकखण्ड अवरुद्ध भएको हो ।

सडकभन्दा माथिबाट पहिरो खसेपछि सडक दुईतर्फी रूपमा अवरुद्ध भएको प्रहरी नायब उपरीक्षक युवराज खड्काले जानकारी दिए । सडक डिभिजन कार्यालयको समन्वयमा पहिरो हटाउने कार्य जारी रहेको उनले बताए ।