काठमाडौं । नबिल र बंगलादेश बैंक बीचको मर्जरको अन्तिम स्वीकृति रोकिएको छ । कर्मचारी समायोजनमा समस्या भएको भन्दै विवाद बल्झिएपछि राष्ट्र बैंकले अन्तिम स्वीकृति रोकेको हो ।
‘समान दुई बैक बीचको कर्मचारीहरुको पदीय हैसियत सम्बन्धमा दुवै बैंकका कर्मचारीमा विवाद देखियो,’ राष्ट्र बैंक स्रोतले भन्यो, ‘यसलाई मिलाएर आउन भनेर केन्द्रीय बैंकले केही दिनका लागि अन्तिम मर्जर अनुमति स्वीकृति पनि रोकेको छ ।’
मर्जरमा नेपाल बंगलादेश बैंकका कनिष्ट कर्मचारीलाई माथिल्लो हैसियतमा ल्याउन लागेको भन्दै नबिल बैंकका कर्मचारी असन्तुष्ट छन् । नबिल बैंकका सञ्चालकहरुले सुटुक्क बंगलादेश बैंकका कनिष्ट कर्मचारीलाई पदस्थापन गर्न खोजेको नबिलका कर्मचारीहरुको आरोप छ ।
दुई बैंकका सञ्चालक समितिको अनौपचारिक सहमति अनुसार सुरुवातमा नबिल बैंकको हालको पदमा बंगलादेश बैंकका सोही पदका कर्मचारीको तीन पद तल समायोजनको सहमति भएको थियो । तर, बंगलादेश बैंकका कर्मचारी केही अघिदेखि यसमा असन्तुष्टि तीब्र पारेपछि नबिलका व्यवस्थापककले कर्मचारीको पदस्थापनमा अन्यय नहुने अनौपचारिक सहमति गरेका थिए ।
लगत्तै नबिल बैंकका कर्मचारी आफ्नो बैंक व्यवस्थापक संघ असन्तुष्ट भएका हुन् । उनीहरु बीचको विवाद राष्ट्र बैंकको बैंक तथा वित्तीय क्षेत्र नियमन विभाग पुगेको थियो ।
आन्दोलित दुवै बैंकका कर्मचारीहरुले कन्द्रीय बैंकलाई समस्याको उचित सम्बोधन नहुँदासम्म मर्जरको अन्तिम स्वीकृतिको काम अघि नबढाउन आग्रह गरेको पनि स्रोतले बतायो ।
प्रतिक्रिया दिनुहोस्