काठमाडौँ – आगामी दशैँ, तिहार तथा छठ पर्वलाई लक्षित गरी यही असोज २३ गतेदेखि लामो तथा मध्यम दूरीका सार्वजनिक बसको अग्रिम टिकट बुकिङ खुला गरिने भएको छ। भौतिक पूर्वाधार तथा यातायात मन्त्रालय, यातायात व्यवस्था विभाग र यातायात व्यवसायीहरूबीच भएको संयुक्त बैठकले चाडपर्वमा घर जाने यात्रुहरूको चापलाई मध्यनजर गर्दै यस्तो निर्णय गरेको हो।
बैठकले यात्रुहरूलाई सुरक्षित र सहज रूपमा गन्तव्यसम्म पुर्याउन अनलाइन तथा भौतिक दुवै माध्यमबाट टिकट बुकिङ गर्ने व्यवस्था मिलाउने सहमति गरेको छ। चाडबाडको मौका छोपी बढी भाडा लिने, टिकटमा कालोबजारी गर्ने र यात्रुलाई ठगी गर्ने कार्यलाई रोक्न यातायात व्यवस्था विभागले विशेष अनुगमन टोली परिचालन गर्ने तयारी थालेको छ।
- Advertisement -
यसका साथै दुर्घटना न्यूनीकरणका लागि लामो दूरीका सवारी साधनहरूको प्राविधिक जाँचलाई कडाइ गरिने र मुख्य राजमार्गका खाल्डाखुल्डीहरू तत्काल मर्मत गरिने निर्णय भएको छ। उपत्यकाका मुख्य नाका तथा बसपार्कहरूमा यात्रुहरूको सहजता र सहायताका लागि ‘यात्रु सहायता कक्ष’ समेत स्थापना गरिने मन्त्रालयले जनाएको छ।
प्रतिक्रिया दिनुहोस्