काठमाडौं – राष्ट्रिय स्वतन्त्र पार्टी (रास्वपा) ले वर्तमान सरकारको ६ महिने कार्यकालको गम्भीर समीक्षा गर्दै कार्यसम्पादनको गति अझै सुस्त रहेको निष्कर्ष निकालेको छ। पार्टीको केन्द्रीय समिति बैठकमा भएको समीक्षामा सरकारको नियत र समग्र प्रस्तुति सकारात्मक देखिए पनि जनअपेक्षा र आवश्यकता अनुसार कामको रफ्तार बढ्न नसकेको ठहर गरिएको हो।
बैठकपछि पार्टीका प्रवक्ता जगदीश खरेलले सरकारले यो अवधिमा चालेका कतिपय सुधारात्मक र सुशासनका प्रयासहरू सह्रानीय रहेको उल्लेख गरे। यद्यपि, नागरिकले महसुस गर्ने गरी सेवा प्रवाह (डेलिभरी) को गतिलाई तीव्र बनाउनु नै अहिलेको मुख्य आवश्यकता रहेको रास्वपाले जनाएको छ।
- Advertisement -
सरकार सञ्चालनमा लामो अनुभव नभएका कारण सुरुवाती चरणमा केही अलमल र प्राविधिक कठिनाइहरू देखिनु स्वाभाविक भए पनि अब भने कुनै बहानामा ढिलासुस्ती स्वीकार्य नहुने बैठकको निष्कर्ष छ। सुशासन र विकासका एजेन्डाहरूलाई थप गति दिन पार्टीका तर्फबाट सरकारको नेतृत्व र संयन्त्रलाई आवश्यक सुझाव, दबाब एवं रचनात्मक सहयोग निरन्तर जारी राख्ने निर्णय समेत रास्वपाले गरेको छ।
प्रतिक्रिया दिनुहोस्