काठमाडौँ – नेपाल धितोपत्र बजार (नेप्से) मा लगातार ६ कारोबार दिनदेखि जारी ओरालो यात्रामा ब्रेक लागेको छ। लगातारको गिरावटले निराश बनेका लगानीकर्ताका लागि राहत मिल्ने गरी मंगलबार बजारमा सुधार देखिएको हो। उतारचढावका बीच आज नेप्से परिसूचक ९.२४ अंकले बढेर २,७५३.४७ विन्दुमा बन्द भएको छ।
यसअघि सोमबार नेप्से सूचक ५५.८६ अंकले घटेर २,७४४.२३ विन्दुमा ओर्लिएको थियो।
- Advertisement -
मंगलबारको बजार कारोबारका मुख्य सूचक तथा विवरणहरू यसप्रकार छन्:
कारोबार रकम र परिमाण
कुल कारोबार: बजारमा सामान्य सुधार आए पनि कारोबार रकम भने अघिल्ला दिनहरूको तुलनामा केही संकुचित भएको छ। आज कुल ३२४ कम्पनीको सेयर खरिदबिक्री हुँदा ६ अर्ब ८२ करोड २२ लाख रुपैयाँ बराबरको कारोबार भएको छ।
सेयर कित्ता: आज ९८ हजार ४१६ पटकको कारोबार मार्फत कुल १ करोड ६० लाख ४४ हजार ६७६ कित्ता सेयर किनबेच भएका छन्।
कम्पनीगत उतारचढाव
सर्किट लेभलमा कमाउने: आज सानिमा जिआइसी इन्स्योरेन्स (SGIC) को सेयर मूल्यमा १० प्रतिशतको सकारात्मक सर्किट लागेको छ।
बढी गुमाउने: बुद्धभूमि नेपाल हाइड्रोपावर (BNHC) का लगानीकर्ताले आज सबैभन्दा बढी ६.५४ प्रतिशत गुमाएका छन्।
कारोबारमा अग्रता: आज सबैभन्दा बढी नेपाल फाइनान्सको सर्वाधिक ४३ करोड ६७ लाख रुपैयाँ बराबरको सेयर कारोबार भएको छ।
समूहगत सूचकको अवस्था
बहुसंख्यक उपसमूह सकारात्मक: आज कारोबार भएका १३ उपसमूहमध्ये १० उपसमूहको सूचक बढेको छ। बाँकी ३ उपसमूह (बैंकिङ, उत्पादन तथा प्रशोधन, र व्यापार) को सूचकमा भने सामान्य गिरावट दर्ता भएको छ।
प्रतिक्रिया दिनुहोस्