काठमाडौं – सत्तारुढ रास्वपा सभापति रवि लामिछानेले सर्वदलीय बैठक आह्वान गरेका छन् । सुनसरीमा भएको घटनालगायतका विषयमा छलफल गर्न सभापति लामिछानेले सर्वदलीय बैठक बोलाएका हुन् ।
महामन्त्री विपिन कुमार आचार्यका अनुसार, बैठक भोलि बिहान ८ बजे सिंहदरबारस्थित लेखा समितिको बैठक कक्षमा बस्नेछ । छलफलमा संसदमा रहेका सबै दलसहित उपेन्द्र यादव, महन्थ ठाकुर, सीके राउत नेतृत्वको पार्टीलाई पनि आमन्त्रण गरिएको छ ।
- Advertisement -
‘सबै दललाई पत्राचार गरिएको छ । सभापतिज्यूले नेताहरूलाई आफैं फोन गरेर पनि आमन्त्रण गर्नु भएको छ,’ लामिछानेको सचिवालयले भनेको छ । महामन्त्री आचार्यले राजनीतिक रुपमा पनि सामूहिक सन्देश र अपिलको आवश्यकता बोध भएकाले छलफल आयोजना गरिएको जानकारी दिए ।
‘अत्यन्तै संवेदनशील र दु:खद घटना तथा त्यसले निम्त्याएको असहज अवस्थामा सामाजिक रुपमा फैलन सक्ने द्वेष न्यूनीकरण गरि सद्भाव र शान्ति सुरक्षा कायम गर्न प्रशासनिक प्रयास जारी रहँदा राजनीतिक रुपमा पनि सामुहिक सन्देश र अपिलको आवश्यकताबोध भएकाले छलफल आयोजना गरेका हौं,’ आचार्यले भनेका छन् ।
प्रतिक्रिया दिनुहोस्