काठमाडौं – शिक्षामन्त्री धर्मेन्द्र प्रधानको राजीनामाको माग गर्दै प्रदर्शनमा उत्रिएका भारतको प्रमुख विपक्षी दल कांग्रेसका नेता राहुल गान्धी प्रधानमन्त्री निवास अघिबाट पक्राउ परेका छन्।
लोकसभाका प्रतिपक्ष नेता राहुल गान्धीको नेतृत्वमा मंगलबार दिउँसो प्रधानमन्त्री निवास लोक कल्याण मार्ग बाहिर कांग्रेस सांसदहरूले धर्ना सुरु गरेका थिए। उनीहरूले प्रधानमन्त्री नरेन्द्र मोदी र शिक्षामन्त्री धर्मेन्द्र प्रधानको राजीनामा माग गरेका थिए।
- Advertisement -
प्रदर्शनका क्रममा राहुल गान्धी, कांग्रेस नेतृ प्रियंका गान्धी र समाजवादी पार्टीका अध्यक्ष अखिलेश यादवलाई दिल्ली प्रहरीले नियन्त्रणमा लिई संसद मार्ग प्रहरी कार्यालय लगेको छ।
यसअघि प्रधानमन्त्री निवास नजिक धर्नामा बसेका राहुल गान्धी तथा अन्य कांग्रेस नेताहरूलाई भेट्न केन्द्रीय मन्त्री जितेन्द्र सिंह पुगेका थिए। भेटपछि सिंहले राहुल गान्धी वाचा गरेर आफ्नो भनाइबाट पछि हटेको दाबी गरेका छन्। कांग्रेसले भने प्रधानमन्त्री नरेन्द्र मोदीले नै बाहिर आएर यसको जवाफ दिनुपर्ने माग गर्दै आएको छ।
प्रतिक्रिया दिनुहोस्