काठमाडौं – साविक विजेता अर्जेन्टिनाले फिफा विश्वकप २०२६ को राउन्ड अफ ३२ मा केप भर्डेविरुद्ध संघर्षपूर्ण जित निकाल्दै अन्तिम १६ मा प्रवेश गरेको छ । केपभर्डेसँग अर्जेन्टिनाले ३-२ को सकसपूर्ण जित हात पारेको हो ।
पहिलो हाफको २९ औँ मिनेटमा लियोनल मेस्सीले गोल गर्दै टोलीलाई अग्रता दिलाएका थिए । उनले यो गोलसँगै जारी विश्वकपमा सातौँ गोल गरे भने विश्वकपमा गोल संख्या २० पुुर्याए ।
- Advertisement -
दोस्रो हाफको ५८ औँ मिनेटमा केपभर्डेले खेललाई बराबरीमा ल्यायो । ड्रोए डुवार्टेले गोल गर्दै खेललाई १-१ को स्थितिमा पुर्याए ।
निर्धारित ९० मिनेटको समयमा कुनै टोलीले गोल गर्ननसक्दा खेल अतिरिक्त समयमा धकेलिएको थियो । अतिरिक्त समयको ९२ औँ मिनेटमा लिसान्द्रो मार्टिनेजले गोल गर्दै टोलीलाई २-१ को अग्रता दिलाए । १०३ मिनेटमा सिड्ने लोपस क्याब्रेलले गोल गर्दै खेललाई २-२ को बराबरीमा ल्याए ।
१११ औँ मिनेटमा केपभर्डेका डिनी बोर्गसबाट आत्मघाति गोल हुँदा नतिजा अर्जेन्टिनाको पक्षमा पुग्यो । अर्जेन्टिनाले खेल ३-२ ले जित्यो । अन्तिम १६ मा अर्जेन्टिनाले इजिप्टको सामना गर्नेछ ।
प्रतिक्रिया दिनुहोस्