काठमाडौँ – पेरिस सेन्ट जर्मेन (पीएसजी) यस सीजनको च्याम्पियन्स लिगको फाइनलमा पुगेको छ । गएराती सम्पन्न सेमिफाइनलको दोस्रो लिगमा बायर्न म्युनिखसँग १-१ गोलको बराबरी खेल्दै समग्रमा ६-५ गोलको नतिजा सहित पिएसजी फाइनलमा पुगेको हो ।
यस खेलमा खेलको तेस्रो मिनेटमा नै ओसमान डेम्बेलेले गोल गर्दै पिएसजीलाई शुरुवाती अग्रता दिलाएका थिए भने ह्यारी केनले खेलको ९० मिनेटपछिको इन्जुरी समयमा गोल गर्दै खेल बराबरी गरेपनि बायर्नका लागि त्यो पर्याप्त भएन ।
- Advertisement -
पहिलो लिगमा पिएसजीले पाएको ५-४ को अग्रताका आधारमा समग्रमा ६-५ ले विजयी भयो र लगातार दोस्रो पटक पिएसजी च्याम्पियन्स लिगको फाइनलमा पुगेको छ ।
डिफेन्डिङ च्याम्पियन समेत रहेको पिएसजी अब उपाधिका लागि मे ३० मा आर्सनलसँग भिड्ने छ । फाइनल खेल हंगेरीको बुडापेस्टमा हुने तालिका रहेको छ । पिएसजी समग्रमा तेस्रो पटक च्याम्पियन्स लिगको फाइनलमा पुगेको छ । यसअघि २०२० मा फाइनलमा पराजित भएको थियो ।
प्रतिक्रिया दिनुहोस्