काठमाडौं – नेपाली कांग्रेसका सभापति गगन थापा, उपसभापति विश्वप्रकाश शर्मा र निवर्तमान सभापति शेरबहादुर देउवाबीच भेटवार्ता भएको छ। महाराजगञ्जस्थित देउवा निवासमा उनीहरूबीच आज भेटवार्ता भएको हो।
कांग्रेस महामन्त्री गुरुराज घिमिरेले उनीहरूबीच शिष्टाचार भेट भएको बताएका छन्। भेटमा पार्टीको सुदृढीकरणका विषयमा छलफल भएको घिमिरेले बताएका छन्।
- Advertisement -
उनीहरूबीच कांग्रेसको आन्तरिक विवाद समाधान गर्ने विषयमा समेत छलफल भएको बताइएको छ।
निर्वाचन आयोगले विशेष महाधिवेशन पक्षधरलाई वैधता दिएपछि देउवापक्षीय नेताहरूले अदालत जाने निर्णय गरेका छन्। तर, माघ ६ गते प्रत्यक्ष तर्फको उम्मेदवारी दर्ता गर्नुपर्ने भएकाले समय अभावका कारण पार्टीलाई एकताबद्ध बनाउन सभापति थापाले पहलकदमी लिएका बताइएको छ।
फाईल तस्विर
प्रतिक्रिया दिनुहोस्