काठमाडौं – इन्डियन प्रिमियर लिग (आईपीएल)को इलिमिनेटर खेलमा गुजरात टाइटन्सलाई २० रनले पराजित गर्दै मुम्बई इन्डियन्स दोस्रो क्वालिफायरमा पुगेको छ ।
मुम्बईले पाँच विकेटको क्षतिमा २२८ रन बनाएको हो। यसअघि सन् २०२३ मा गुजरातले मुम्बईविरुद्ध तीन विकेटको क्षतिमा २३३ रन जोडेको हो। मुम्बईका रोहित शर्माले आईपीएलमा सात हजार ३८ रन प्रहार गरेका छन् । आईपीएलमा विराट कोहलीले ८६१८ रन प्रहार गरेका छन्।
- Advertisement -
रोहितको आईपीएलमा छक्काको सङ्ख्या ३०२ पुगेको छ। आईपीएलमा ३०० छक्का प्रहार गर्ने रोहित दोस्रो खेलाडी हुन्। क्रिस गेलले कुल ३५७ छक्का प्रहार गरेका छन्। रोहितले २५१ छक्का मुम्बईका लागि प्रहार गरेका हुन्। बाँकी ५१ छक्का डेक्कन चार्जरका लागि प्रहार गरेका थिए। एउटै टोलीका लागि धेरै छक्का प्रहार गर्ने उनी दोस्रो खेलाडी हुन्। विराट कोहलीले आरसिबीका लागि २९१ छक्का प्रहार गरेका छन्।
गुजरातका साई सुदर्शनले यस सिजनमा ७५९ रन प्रहार गरे। एकै सिजनमा धेरै रन प्रहार गर्ने उनी पाँचौँ खेलाडी हुन्। यसअघि गुजरातका लागि धेरै रन प्रहार गर्ने क्रममा सन् २०२३ मा शुभमन गिलले ८९० रन प्रहार गरेका थिए।
मुम्बईले आईपीएलमा २०० भन्दा बढी रनको लक्ष्य १८ पटक दिएको छ। यी सबैमा सफलता पाएको छ। सो खेलमा कुल ४३६ रन बनेको थियो। एउटै आईपीएल प्ले अफमा सबै भन्दा धेरै रन प्रहार भएको पनि सोही खेल थियो।
यस सिजनमा रसिद खानको बलमा ३३ छक्का प्रहार भए। आईपीएलको एकै सिजनमा धेरै छक्का प्रहार भएको पनि यो पहिलो पटक हो। यस अघि सन् २०२२ मा मोहम्मद सिराजको बलमा ३१ छक्का प्रहार भएको थियो।
प्रतिक्रिया दिनुहोस्