शीर्ष नेताहरूको बैठकमा कांग्रेसले प्रचण्डलाई सोध्यो: कैलाश सिरोहियालाई किन पक्राउ गरेको ?

गोरक्ष पोस्ट
गोरक्ष पोस्ट ११ जेष्ठ २०८१, शुक्रबार
1 Min Read
Aa

काठमाडौं – प्रमुख दलका शीर्ष नेताहरूको बैठकमा नेपाली कांग्रेसले कान्तिपुरका अध्यक्ष कैलाश सिरोहियालाई पक्राउ गरिएको बारेमा प्रधानमन्त्री पुष्पकमल दाहाल प्रचण्डसँग जवाफ माग गरेको छ ।

आज बसेको बैठकमा काग्रेसले सिरोहियालाई पक्राउ गरेकोबारे प्रश्न सोधेको प्रमुख सचेतक रमेश लेखकले जानकारी दिए । “केही दिन पहिला संसद्मै उभिएर गृहमन्त्री जुन ढंगले प्रस्तुत हुनुभयो,” उनले भने, “जसरी सदनभित्रै रहेका माननीयलाई लाञ्छित गरेर प्रश्न उठाइयो । यो विषयमा प्रधानमन्त्रीको ध्यानाकर्षण गराउँदै कसले जवाफ दिने हो भनी प्रश्न पनि गरेका छौँ ।”

प्रमुख प्रतिपक्ष दल नेपाली कांग्रेसले सहकारीको बचत हिनामिनाको छानबिनबारे नयाँ प्रस्ताव अघि सारेपछि प्रमुख दलका शीर्ष नेता छलफलमा जुटेका हुन् ।

सहकारी प्रकरणको छानबिनका लागि बनाइने भनिएको संसदीय छानबिन समितिको टिओआर कार्यदलमा सहमति नजुटेपछि शीर्ष तहमा सहमति खोज्ने प्रयास भएको हो । बैठकमा कांग्रेसको प्रस्तावसहित सत्तापक्षले राख्ने प्रस्तावमा छलफल हुने नेताहरूले बताएका छन् ।

प्रतिक्रिया दिनुहोस्

Array