दाङमा बस दुर्घटनाः १४ यात्रु घाइते

दाङ – दाङमा बस दुर्घटना भएको छ । पोखराबाट सुर्खेत जाँदै गरेको ग १ ख ८४८५ नम्बरको बस लमही नगरपालिका–४ बगइसोतामा दुर्घटना हुदा १४ जना घाइते भएको वडा प्रहरी कार्यालय लमहीले जनाएको छ ।

बिहान करिब ५ बजे बस दुर्घटनामा परेको हो । दुर्घटनामा परेर घाइते भएकाहरुको लमही अस्पतालमा उपचार भइरहेको वडा प्रहरी कार्यालय लमहीका प्रहरी निरिक्षक शंकर श्रेष्ठले जानकारी दिए। बस अनियन्त्रित हुँदा दुर्घटना भएको र घाइतेहरुको उद्दार गरेर अस्पताल लगिएको उनले बताए ।