काठमाडौं – राष्ट्रपतिको निर्वाचन फागुन २० पछि सार्ने तयारी भएको छ । संवैधानिक व्यवस्थाअनुसार माघको अन्तिमसम्म राष्ट्रपतिको निर्वाचन भइसक्नुपर्ने हो ।
तर नयाँ निर्वाचित राष्ट्रपतिको व्यवस्थापन र पुरानोको बिदाइमा समस्या पर्ने देखिएकाले कानुन नै संशोधन गरेर चुनाव सार्ने विषयमा सत्तारुढ दलहरुबीच कुराकानी भइरहेको स्रोतले जानकारी दिएको छ ।
राष्ट्रपति विद्यादेवी भण्डारीको कार्यकाल फागुनको अन्तिममा समाप्त हुँदैछ । एक महिनाअघि चुनाव गरिसक्ने व्यवस्थाअनुसार माघको अन्तिमसम्ममा गर्ने तयारी थियो ।
माघको अन्तिममा राष्ट्रियसभाको खाली रहेको स्थानमा चुनावको तयारी पनि गरिएकाले फागुनमा सार्ने तयारी गरिएको छ ।
तर निर्वाचन आयोगले भने राष्ट्रपतिको निर्वाचनमा समयमै हुने बताएको छ ।
निर्वाचन आयुक्त रामप्रसाद भण्डारीले राष्ट्रपति निर्वाचनको सम्बन्धमा अहिले कुनै छलफल नभएको बताउँदै अब छलफल थाल्ने जानकारी दिए ।
प्रतिक्रिया दिनुहोस्