काठमाडौँ – गोठाटारमा सोमबार बेलुका अज्ञात व्यक्तिको गोली प्रहारबाट घाइते भएका लाल मोहम्मदको मृत्यु भएको छ । उनको त्रिभुवन शिक्षण अस्पतालमा उपचारका क्रममा मृत्यु भएको प्रहरीले जनाएको छ ।
कागेश्वरी मनहरा नगरपालिका–८ सोमबार बेलुका अज्ञात व्यक्तिले गोली चलाउँदा उनको शरीरका दायाँ हातमा एक राउण्ड, टाउकोमा २ राउण्ड र दायाँ तिघ्रामा १ राउण्ड गोली लागेको प्रहरीले जनाएको छ ।
रातो सर्ट लगाएर आएका व्यक्ति गोली प्रहार गरेर फरार भएको अनुसन्धानमा खटिएका प्रहरी अधिकारीले बताएका छन् । उनीहरुको खोजी कार्य तीव्र पारेको प्रहरीले जनाएको छ ।
प्रतिक्रिया दिनुहोस्