मुक्तिनाथ कृषि कम्पनीलाई नाफामा देखाएर आइपिओ जारी गर्ने तयारी

काठमाडौं
मुक्तिनाथ विकास बैकसँगको सहकार्य सञ्चालन भएको भनिएको मुक्तिनाथ कृषि कम्पनीले करोडौं घाटा भएर पनि कम्पनीलाई नाफामा देखाएर सर्वसाधारणमा प्राथमिक सेयर सार्वजानीक गर्ने तयारी गरेको छ । किसानहरुलाई कम्पनीको शेयर बाँडफाँडको स्वीकृतिका लागि मुक्तिनाथ कृषि कम्पनी प्रचार प्रसारमा जुटेको छ ।
अघिल्लो वर्ष कृषि सामग्री कम्पनीका लागि मल आयात गर्ने स्वदेशी कम्पनीका रुपमा टेण्डर पाए पनि मुक्तिनाथ कृषि कम्पनीले मल आयात गर्न सकेको छैन । जसका कारण कृषि सामग्री कम्पनीले मुक्तिनाथ कृषि कम्पनीको करीव ८ करोड रुपैयाँ जफत गरेको थियो ।

कृषि सामग्री कम्पनीसँग सम्झौता गरेर रासायनिक मल आयात गर्न नसकेको मुक्तिनाथ कम्पनीले आफ्नो ८ करोड रुपैयाँ जफत हुनबाट बचाउनका लागि सर्वोच्च अदालतमा रिट निवेदन हालेको छ । कृषि सामग्री कम्पनीका अनुसार सो मुद्धा अहिलेसम्म पनि विचारधिन अवस्थामा रहेको छ ।
मुक्रिनाथ कम्पनीले मुक्तिनाथ कै नामबाट विभिन्न ८ वटा कम्पनी सार्वजनिक गरेको छ । यी कम्पनीबाट किसानहरु ठगिने खतरा बढ्दै गईरहेको कृषि विज्ञहरु बताउँछन् ।
मुक्तिनाथ कृषि कम्पनीले सार्वजनिक गरेको मुक्तिनाथ फर्टिलाईजर बैक भनेको के हो ? के यो मल सुरक्षित राख्ने ठाउँ हो ? किसानलाई आवश्यक अनुदानको रासायनिक मल ठेक्का पाएर त ल्याउन नसक्ने कम्पनीले फर्टिलाईजर बैकको नामबाट किसान ठग्ने प्रपञ्च गरिरहेको सोही कम्पनीमा कार्यरत कर्मचारीहरु नै बताउँछन् ।

त्यहाँका कर्मचारीका अनुसार मुक्तिनाथ कृषि कम्पनी मातहत भनि सार्वजनिक गरिएका फर्टिलाईजर बैंकदेखि लाइभस्टक बैंकले के गर्ने भन्ने अध्यक्षलाई नै थाहा छैन कसरी चल्छ कम्पनी । यो त शेयर खोल्ने र जनताको रकम संकलन गर्ने प्रमुख उपाय मात्र भएको कर्मचारी कृषि विज्ञहरु लगायतको आरोप छ ।
मुक्तिनाथ बैकका नाममा सार्वजनिक गरेको ८ वटा कम्पनीका विषयमा अध्ययन गरेर मात्र लगानी वा शेयर हाल्न सुझाव विज्ञहरुको छ ।