प्रेमगीत–३ प्रति लक्षित नियम ल्याएको भन्दै भुवन केसीको राजीनामा माग

काठमाडौं– चलचित्र प्रेमगीत–३ का नायक प्रदीप खड्काले आफ्नो चलचित्रलाई लक्षित गरि रात्री शो बन्द गरेको भन्दै चलचित्र विकास बोर्डका अध्यक्ष भुवन केसीको राजीनामा मागे गरेका छन् । कात्तिक १ गतेदेखि रात्री शो बन्द गर्ने निर्णय गरेको भन्दै राजीनामा माग गरेका हुन् ।
आज काठमाडौंमा आयोजित पत्रकार सम्मेलन गरेर आफ्नो फिल्म लक्षित नियम ल्याएको खड्काको आरोप छ । चलचित्र विकास बोर्डले रिलिजको एक साताअघि नै चलचित्र जाँचपासको लागि निवेदन दिनुपर्ने र बिहान ६ बजेदेखि राति ११ बजेसम्म मात्र फिल्म देखाउन पाउने गरी शो निर्धारण गर्नुपर्ने नियम बनाएको छ । राति ११ बजेपछि वा बिहान ६ बजेअघि फिल्म देखाउनुपर्ने भएमा प्रशासनको अनुमति लिनुपर्ने नियम पनि बोर्डले ल्याएको छ । प्रेमगीत –३ लाई आग्रमकरुपमा वितरण गर्ने निमार्ताकोे योजनामा रहेको थियो ।