नेपाली कांग्रेस काठमाडौं जिल्ला सभापति सबुज बानियाँले एमालेले काठमाडौं महानगरपालिकाको मेयरमा नौटंकी आवरणका व्यक्तिलाई उम्मेदवार बनाएको बताएका छन् ।
![](https://assets-cdn-api.kantipurdaily.com/thumb.php?src=https://assets-cdn.kantipurdaily.com/uploads/source/news/kantipur/2022/third-party/sabujbaniya-0652022112709-1000x0.jpg&w=1000&h=0)
शुक्रबार काठमाडौंमा आयोजित गठबन्धनको संयुक्त चुनावी सभालाई सम्बोधन गर्दै बाँनियाले स्थापित कुरा सुन्दा मानसिक विचलन देखिने बताए ।
‘एमालेले महानगरपालिकामा नौटंकी आवरणको उम्मेदवार बनाएको छ । आफूलाई धेरै गर्जन गर्नसक्ने, आफूमा धेरै क्षमता भएको उहाँ भन्नुहुन्छ । तर आफ्नो स्वार्थका लागि जस्तोसुकै बाटो पनि अबलम्बन गर्ने र राजनीतिक विचलन भएर कहाँ-कहाँ क्रियाकलाप अघि बढाउनु भयो ? त्यस्तो व्यक्तिलाई ल्याएर उम्मेदवार बनाएको छ’ बाँनियाले भने, ‘उहाँको कुरा सुन्दा मानसिक विचालन भइसकेको व्यक्ति हो कि जस्तो लाग्छ । सम्मान गर्नुपर्ने, महिला आमा दिदीबहिनीलाई लल्कार्छन् । गालीगलौच गरिन्छ र अस्मितामाथि प्रहार गरिन्छ । उहाँलाई महिलासँग भोट माग्ने अधिकार छैन ।’
महिला र दिदीबहिनीलाई मानवीय व्यवहार गर्न नसक्ने व्यक्तिलाई एमालेले उम्मेदवार बनाएको बानियाँले बताए ।
प्रतिक्रिया दिनुहोस्