नेपाली कांग्रेसको भर्खरै सम्पन्न कार्यसम्पादन समितिको बैठकले पुष्पकमल दाहाल “प्रचण्ड” नेतृत्वको सरकारलाई विश्वासको मत दिने निर्णय गरेको छ । अब संसदीय दलको बैठक बस्दैछ । संसदीय दलको बैठकले त्यसलाई अनुमोदन गर्ने नेता कृष्ण प्रसाद सिटौलाले बताएका छन् । त्यसअघि बिहान धुम्बाराही स्थित देउवा निवासमा भएको पदाधिकारी बैठकमा सहमति जुट्न नसकेपछि कार्यसम्पादन समितिको बैठक बसेको थियो ।
संसदीय दलको बैठकमा सभापति तथा दलका नेता शेरबहादुर देउवाले प्रचण्ड सरकारलाई विश्वासको मत दिन पार्टीमा ह्यीप जारी गर्ने छन् ।
- Advertisement -
प्रधानमन्त्री प्रचण्ड सोमबार मात्र कांग्रेस सभापति शेरबहादुर देउवालाई भेट्न धुम्बाराही पुगेका थिए । भेटमा प्रचण्डलाई देउवाले विश्वासको मत दिने आश्वासन दिएका थिए।
महामन्त्रीद्वय गगन थापा र विश्वप्रकाश शर्मा प्रचण्ड सरकारलाई बिश्वासको मत दिनु नहुने पक्षमा थिए ।
प्रतिक्रिया दिनुहोस्