रियाद – यमनका हुथी विद्रोहीहरूले साउदी अरेबियाका तेल संरचनाहरूलाई लक्षित गरी आक्रमण तीव्र बनाएका छन्।
हुथीहरूको चेतावनी र आक्रमणका कारण साउदी अरेबियाको धाह्रानस्थित अरामकोको कम्पनीको भवनमा सामान्य आगलागी भएको साउदी ऊर्जा मन्त्रालयले जनाएको छ।
- Advertisement -
यद्यपि यस घटनामा कुनै मानवीय क्षति भने नभएको मन्त्रालयले स्पष्ट पारेको छ। नागरिकहरूलाई तेल संरचना र सुरक्षा क्षेत्रबाट टाढा रहन चेतावनी दिइएको भए पनि हुथीहरूले साउदी पूर्वाधारमाथि लगातार आक्रमण जारी राखेका छन्।
यसको जवाफमा साउदी अरेबियाको नेतृत्वले पनि यमनका हुथी नियन्त्रित ऊर्जा टर्मिनलहरू र इन्धन रिजर्भलाई लक्षित गरी हवाई आक्रमण तीव्र पारेको छ। गठबन्धन सेनाका प्रवक्ता तुर्की अल-मालिकीले कारबाहीका दौरान नागरिकहरूमाथि पर्न सक्ने सम्भावित क्षतिलाई रोक्न पर्याप्त सावधानी अपनाइएको बताएका छन्।
अमेरिकाका राष्ट्रपति डोनाल्ड ट्रम्पले आगामी मध्यवर्ती चुनाव (मिडटर्म इलेक्सन) लाई मध्यनजर गर्दै ऊर्जाको मूल्य वृद्धि गराउने उद्देश्यले हुथी विद्रोहीहरूले साउदी पूर्वाधारमाथिका आक्रमणहरू बढाएको प्रतिक्रिया दिएका छन्।
अर्कोतर्फ, कूटनीतिक र क्षेत्रीय गतिशीलतामा केही सकारात्मक प्रयासहरू पनि देखिएका छन्। इरानको विदेश मन्त्रालयले जनाए अनुसार, हर्मुजको जलडमरूमध्य मा सुरक्षित व्यावसायिक जलमार्गहरू स्थापना गर्न इरान र ओमान नजिक पुगेका छन् र उनीहरूबीच अस्थायी सुरक्षित मार्ग (टेम्पोररी सेफ प्यासेज रुट) को अवधारणामा समझदारी बनेको छ। मध्यपूर्वमा जारी यस द्वन्द्व र तनावले क्षेत्रीय सुरक्षा तथा विश्वव्यापी इन्धन आपूर्तिमा थप चुनौती थप्दै लगेको छ।
प्रतिक्रिया दिनुहोस्