भदौ ३० गते मंगलबारको तपाईको राशिफल

आज मिति वि.सं.२०८३ साल भाद्र ३० गते । मंगलबार । इस्वी सन् २०२६ सेप्टेम्बर १५ तारिख । नेपाल संवत् ११४६ । रौद्र संवत्सर । दक्षिणायन । वर्षा ऋतु । श्रीशाके १९४८ । भाद्र शुक्लपक्षको चतुर्थी तिथि । आज बिहान ५ बजेर ४९ मिनेटमा काठमाडौँ उपत्यकामा झुल्किएको घाम बेलुकी ६ बजेर ७ मिनेटमा अस्ताउनेछ । अपरान्ह ३ बजेर २ मिनेटदेखि ४ बजेर ३४ मिनेटसम्म राहुकाल रहने हुनाले उक्त अवधिमा कुनैपनि शुभकार्य नगर्नुहुन अनुरोध छ ।

आजको राशिफल

- Advertisement -

मेष राशि (चु, चे, चो, ला, लि, लु, ले, लो, अ):– आजको दिन भाग्योदयकारी सिद्ध हुने देखिन्छ । विशेष योजनाका लागि गरिने छलफलमा तपाईंको प्रभाव-वर्चश्व रहनेछ । आरोग्यबल बढ्नेछ भने प्रशन्नता एवम् सुख-शान्ति रहनेछ । मनोरञ्जन-विलासमा आकर्षण बढ्ने देखिन्छ । मिठो भोजन मिल्नेछ । प्रेम सम्बन्ध प्रगाढ बन्ने योग छ । बौद्धिक र रचनात्मक कार्य पनि बन्नेछ ।

बृष राशि (इ, उ, ए, ओ, बा, बि, बु, बे, बो):– दिन मिश्रित फलदायी रहला । आम्दानी बिगार्नेहरू सक्रिय रहन सक्छन् भने श्रमको उचित मूल्य नमिल्न सक्छ । तथापि, भौतिक साधन जुट्नाले दिगो फाइदा हुने काम प्रारम्भ हुने देखिन्छ । आजको दिन विवाद आदिदेखि सचेत रही आफ्नै बल-विवेकले काम गर्नु हितकर रहला । खर्च नियन्त्रणको लागि सजग रहनुपर्नेछ । विवेकको सही प्रयोगले आर्थिक विकासको नयाँ सम्भावना देखापर्नेछ । मित्रजनको साथ-सहयोगले आशा, आँट र उत्साह बढ्नेछ ।

मीथुन राशि (का, कि, कु, घ, ङ, छ, के, को, ह):– आजको दिन भौतिक साधन जुट्नेछ भने आम्दानी बढाउने काम सुरु गर्न सकिनेछ । सरल जीवनशैलीले धेरैको मन लोभ्याउन सक्छ । आयआर्जन राम्रै होला तर सरसापटमा धन खर्च हुने योग छ । विभिन्न अवसर प्राप्त भए पनि अरूको मुख ताक्ने बानीले काममा धोका हुन सक्छ, सचेत रहनुहोस् । जोखिममा नपर्नु बेस हुनेछ । नयाँ काममा हात हाल्दै हुनुहुन्छ भने अघि बढ्न सकिनेछ ।

कर्कट राशि (हि, हु, हे, हो, डा, डि, डु, डे, डो):– कर्मयोगी भाव र कार्यव्यवहारका कारण यश वर्चश्वमा वृद्धि हुने समय छ । व्यवसायिक पक्षसित सम्बन्धित काम बन्नेछ भने साझेदारीको काम बन्ने योग छ । मित्रजनको साथ प्राप्त होला । यात्रागत कार्यमा सफलता मिल्नेछ । प्रयासरत काम बन्नाले आँट-उत्साह बढ्नेछ । रसरागमा आकर्षण रहला । आरोग्यबल र प्रेमभाव वृद्धि हुनेछ । आफन्तजन समेतको साथ-सहयोगले पारिवारिक समस्याको समाधान मिल्ला ।

सिंह राशि (मा, मि, मु, मे, मो, टा, टि, टु, टे):– एउटै कामबाट दोहोरो लाभ मिल्ने समय छ । प्रतिभाको कदर हुनेछ भने बौद्धिक प्रतिस्पर्धामा अरूलाई उछिन्न सकिएला । धार्मिक अनुष्ठान र मंगलमय कृत्य सम्पादन हुन सक्छन् । प्रतिष्ठित काम गरेर प्रशंसा प्राप्त गर्न सकिनेछ । बौद्धिकता र रचनात्मकता पनि बढ्नेछ । कुनैपनि समस्याको समाधान प्राप्त हुने देखिन्छ । साहसिक कर्ममा रूचि बढ्ला । पारिवारिक सुखशान्ति बढ्नेछ ।

कन्या राशि (टो, प, पि, पु, ष, ण, ठ, पे, पो):– आजको दिन सामाजिक काममा रुचि बढ्नेछ भने गरेका कामबाट धेरैलाई फाइदा पुग्न सक्छ । कतै अतिथिका रूपमा सत्कार समेत पाइने सम्भावना छ । रोकिएका काममा फेरि प्रयत्न गर्नु हितकर हुनेछ । विलासी क्रियाकलापमा आकर्षण रहनेछ । खर्च केही वृद्धि हुने योग छ, नियन्त्रणको प्रयास गर्नुहोला । कुनै पनि शारीरिक तथा आर्थिक जोखिममा नपर्नु उचित हुनेछ ।

तुला राशि (र, रि, रु, रे, रो, ता, ति, तु, ते):– भाग्योन्नतिको समय छ । धेरैको भलाइ हुने काम शुभारम्भ गर्न सकिएला । ब्यवसायमा राम्रै लाभ हुने योग छ । मान्यजनसँग असमझदारी बढ्न सक्छ, सावधान रहनुहोला । पहिलेको उपलब्धिले उत्साह जगाउनेछ । मनोरञ्जनत्मक क्रियाकलापमा आकर्षण बढ्नेछ । धनको आगमन भैरहनेछ । अरुसित मिलेर काम गर्नु बेस रहला तर अरुको भरमा बस्नु र विवादमा पर्नु उचित हुने छैन ।

वृश्चिक राशि (तो, ना, नि, नु, ने, नो, या, यि, यु):– केही प्रतिस्पर्धा गर्नुपरे पनि कीर्तिमानी काम सम्पादन हुने समय छ । कामले अरूलाई प्रभावित पारेर फाइदा लिन सकिनेछ । लगानीका साथै आयस्रोत पनि बढ्ला । यात्रागत कार्यमा सफलता मिल्ने योग छ । लेखन–प्रकाशनसित सम्बन्धित काम बन्नेछ । आरोग्यबल बढ्नेछ । आफन्त एवम् मित्रजनको सहयोग प्राप्त हुनेछ । कुनैपनि समस्याको समाधान मिल्नेछ ।

धनु राशि (ये, यो, भ, भि, भु, ध, फा, ढ, भे):– लगनशीलताले राम्रै उपलब्धि दिलाउला । चिताएका काम बिस्तारै भए पनि सम्पादन हुनेछन् भने मिठो बोलीको माध्यमले धेरैलाई मन्त्रमुग्ध बनाउन सकिने समय छ । आश मारेको काम बन्नाले उत्साह जागृत हुनेछ । बोली र व्यक्तित्वको प्रभाव बढ्नाले मनोकुलको काममा सफलता मिल्ने देखिन्छ । सानो प्रयत्नले ठूलो काम सम्पादन हुने योग छ ।

मकर राशि (भो, ज, जि, खि, खु, खे, खो, गा, गि):– ठूलै प्रयत्न गर्दा पनि सामान्यमात्र फाइदा हुने समय छ । केही अवसर जुटे पनि परिस्थिति अलि संघर्षमय रहला । हठ गर्ने बानीले समस्या निम्त्याउन सक्छ । अरूको सुझावमा भर नपर्नुहोला । अप्ठ्यारा कामको बोझ थपिन सक्छ । खर्च र लगानी बढ्ने योग छ । धोखा हुने, ठगिने सम्भावना रहेकाोले सोचीविचारी काम गर्नु उचित हुनेछ । प्रतिकुलताका बाबजुद रस-विलासमा आकर्षण रहला ।

कुम्भ राशि (गु, गे, गो, सा, सि, सु, से, सो, द):– कर्मबल बढ्नेछ, तर न्यून उपलब्धिका लागि निकै मिहिनेत गर्नुपर्ने समय छ । नयाँ काममा हात हाल्न केही समय पर्खनु हितकर होला । स्वास्थ्यमा केही कमजोरी महसूस हुन सक्छ । विशेष कार्यमा उच्च व्यक्तित्वको सहयोग-समर्थन मिल्ने देखिन्छ । आत्मविश्वास वृद्धिका कारण शत्रुसित लड्ने सामथ्र्य बढ्ला । आफन्तजनको सहयोग मिल्नेछ ।

मिन राशि (दि, दु, थ, झ, ञ, दे, दो, च, चि):– बोली र व्यक्तित्वको प्रभाव बढ्ने समय भएपनि आफ्नै कमजोरीले विवादमा परिने योग छ, सचेत रहनुहोला । प्रतिस्पर्धामा पनि केही कमजोर सावित भइएला । परिवारजनको सहयोग लिँदा राम्रो हुनेछ । आर्थिक विषयको वार्तामा सफलता मिल्नेछ । साझेदारीको काम बन्ला । मिठो भोजन मिल्नेछ । हांसविलासमा आकर्षण रहेपनि समय अनुकुल नरहने देखिन्छ ।

राशिफलमा जे जस्तो उल्लेख भएपनि तपाईको आजको दिन सुखद रहोस्