काठमाडौं – ‘जेनजी मुभमेन्ट’ले ऊर्जामन्त्री कुलमान घिसिङ र नेपाल विद्युत् प्राधिकरणका प्रबन्ध निर्देशक मनोज सिलवाल विरुद्ध ४३ करोड रुपैयाँ भ्रष्टाचारको उजुरी अख्तियार दुरुपयोग अनुसन्धान आयोगमा दर्ता गराएको छ ।
बुधबार अख्तियारमा घिसिङ, सिलवाल तथा विद्युत् नियमन आयोग विरुद्ध उजुरी दर्ता गराएको जेनजी मुभमेन्टका प्रवक्ता विजय शाहले जानकारी दिए ।
- Advertisement -
उजुरीमा उल्लेख छ कि भारतीय कम्पनी पीटीसीसँग गरिएको विद्युत् खरिद सम्झौता हतार–हतार र अपारदर्शी तरिकाले गरिएको, जसमा प्राधिकरणले ६.७४ भारुको प्रस्ताव ६.९५ भारुमा स्वीकृत गरेर राज्यलाई करिब ४३ करोड रुपैयाँ नोक्सान पुर्याएको आरोप छ ।
जेनजी मुभमेन्टका अनुसार, घिसिङ–सिलवालको सेटिङ र पारिवारिकरसंबंधित नातेदारको प्रभाव प्रयोग गरी अनुसन्धान रोक्ने प्रयास गरिएको, जसले अनियमित खरिद प्रक्रियामा संलग्न व्यक्तिहरूलाई दण्ड नहुने स्थिति सिर्जना गरेको छ ।
त्यसैले मुभमेन्टले अख्तियारमार्फत प्रारम्भिक छानबिन गरि संलग्न अधिकारीहरूविरुद्ध मुद्दा दायर गरी सजाय र बिगो असुल गर्न माग गरेको हो ।
प्रतिक्रिया दिनुहोस्