आज मिति वि. सं. २०८२ फागुन ०९ गते शनिबार ई. सं. २०२६ फेब्रुअरी २१ नेपाल सम्बत ११४६ चिल्लाथ्व चतुर्थी, सिद्धार्थि नाम संवत्सर सूर्य दक्षिणायनं, शिशिर ऋतु, फागुन शुक्ल चतुर्थी, चन्द्रमा मीन राशिमा, रेवती नक्षत्र, शुभ योग, विष्टि करण एवं अन्तर्राष्ट्रिय मातृभाषा दिवस । आज बिहान ६ बजेर ३८ मिनेटमा नेपालमा झुल्किएको घाम साँझ ५ बजेर ५९ मिनेटमा अस्ताउनेछ ।
मेष राशि (चु, चे, चो, ला, लि, लु, ले, लो, अ):– मिश्रित फलदायी समय छ । सामान्य कामबाट पनि राम्रो लाभ उठाउन सकिने देखिन्छ । लगनशीलताले कीर्तिमानी दिलाउन सक्ने योग छ । कतै मानसम्मान मिल्ने सम्भावना छ । तथापि, आफ्नै कमजोरीले विवादमा परिने सम्भावना समेत रहेकोले सचेत रहनुहोला । प्रतिस्पर्धामा केही कमजोर सावित भइएला । महत्वाकांक्षी योजना तत्काल सार्वजनिक नगर्नु नै बेस हुनेछ । यात्रामा आंशिक सफलता प्राप्त हुनेछ ।
- Advertisement -
बृष राशि (इ, उ, ए, ओ, बा, बि, बु, बे, बो):– नियमित कार्यमा विशेष लगाव रहने समय छ । कसैबाट विशेष उपहार प्राप्त हुनुका साथै धनलाभ हुने योग छ । तथापि, आश्वासन दिएर झुक्याउनेहरूले सताउन सक्छन् । बन्ने निश्चय भएको काम अचानक बिग्रन सक्छ । व्यापार–व्यवसायमा लाभ नै हुनेछ । व्यावसाय विस्तारका लागि यात्रा हुनसक्ने देखिन्छ । आफन्तको साथ-सहयोग प्राप्त हुनेछ । फजुल खर्च नियन्त्रणको प्रयत्न गर्नुहोला ।
मीथुन राशि (का, कि, कु, घ, ङ, छ, के, को, ह):– ठूलै प्रयत्न गर्दा पनि सामान्यमात्र लाभ मिल्ने दिन छ । केही अवसर जुटे पनि परिस्थिति अलिक संघर्षमय रहला । अरूको सुझावमा भर नपर्नुहोला । हठ गर्ने बानीले समस्या निम्त्याउन सक्छ । कसैसँग सामान्य मनमुटाव पनि पर्न सक्छ । अप्ठ्यारा कामको बोझ थपिन सक्छ । अवसर आए पनि मौकामा लाभ उठाउन नसकिएला । आजको लाभांश सुरक्षित वा सञ्चय नहुने योग छ ।
कर्कट राशि (हि, हु, हे, हो, डा, डि, डु, डे, डो):– सानो प्रयत्नले ठूलो काम सम्पादन हुने समय छ । आश मारेको काम बन्नाले उत्साह जागृत होला । भाग्यबल वृद्धि हुनेछ । लगनशीलताले राम्रै उपलब्धि दिलाउला । चिताएका काम क्रमशः सम्पादन हुनेछन् । मिठो बोलीको माध्यमले धेरैलाई मन्त्रमुग्ध बनाउन सकिनेछ । व्यवसायमा लगानी बढाउने मौका जुर्न सक्छ ।
सिंह राशि (मा, मि, मु, मे, मो, टा, टि, टु, टे):– केही प्रतिस्पर्धा गर्नुपरे पनि अरूलाई प्रभावित पारेर फाइदा लिन सकिने समय छ । कीर्तिमानी काम सम्पादन होला । तथापि, शत्रुहरूको चलखेल बढ्नाले चुनौतीको सामना गर्नपर्ने योग छ । विशेष उपहारका साथ प्रेमको प्रस्ताव प्राप्त हुने देखिन्छ । मिठो भोजन प्राप्ति र सुख वृद्धि होला । आरोग्यता रहनेछ ।
कन्या राशि (टो, प, पि, पु, ष, ण, ठ, पे, पो):– नयाँ काममा हात हाल्न केही समय पर्खनु उचित हुनेछ । न्यून उपलब्धिका लागि निकै मिहिनेत गर्नुपर्ने समय छ । स्वास्थ्य कमजोर रहनाले जाँगरमा कमी आउन सक्छ । पठनपाठनमा समय दिन नसकिएला । नसोचेको ठाउँमा खर्च हुने योग छ । कतिपय प्रतिकुलताका बाबजुद गीतसंगीत तथा रसरागात्मक काममा आकर्षण बढ्ने देखिन्छ ।
तुला राशि (र, रि, रु, रे, रो, ता, ति, तु, ते):– भाग्योन्नतिको समय छ । ब्यवसायमा राम्रै लाभ होला । धेरैको भलाइ हुने काम शुभारम्भ गर्न सकिनेछ । परिस्थितिअनुसार चल्ने प्रयत्न गर्नुहोला । मान्यजनसँग असमझदारी बढ्ने योग रहेकोले विशेष सतर्क रहनुहोला । चुनौतीका बाबजुद सहयोगीहरूले फाइदा दिलाउनेछन् । साझेदारीको काम बन्नेछ । रसरागमा आकर्षण बढ्नेछ ।
वृश्चिक राशि (तो, ना, नि, नु, ने, नो, या, यि, यु):– भौतिक साधन जुट्नाले आम्दानी बढाउने काम सुरु गर्न सकिने समय छ । आयआर्जन राम्रै हुने देखिन्छ । सरल जीवनशैलीले धेरैको मन लोभ्याउन सकिनेछ । विभिन्न अवसर प्राप्त भए पनि अरूको मुख ताक्ने बानीले काममा धोका हुन सक्छ, ध्यान राख्नुहोला । सरसापटमा धन खर्च हुने योग छ । धर्मकर्ममा आकर्षण बढ्नेछ । परिवारिक सुखले उत्साह जागृत गर्ने देखिन्छ ।
धनु राशि (ये, यो, भ, भि, भु, ध, फा, ढ, भे):– भौतिक साधन जुट्नाले दिगो फाइदा हुने काम प्रारम्भ हुन सक्छ, तर सोचेभन्दा कमै फाइदा मिल्ने समय छ । आम्दानी बिगार्नेहरू सक्रिय रहन सक्छन्, होसियार रहनुहोला । श्रमको उचित मूल्य नमिल्न सक्छ । इष्र्यालुजनले दुःख दिनसक्छन्, सजग रही दैनन्दिन कार्यमा लागिपर्नु हितकर हुनेछ । मिठो भोजन प्राप्त हुनेछ । यात्रागत कार्यमा सफलता प्राप्त हुनेछ ।
मकर राशि (भो, ज, जि, खि, खु, खे, खो, गा, गि):– सेवामूलक कामबाट धनलाभ हुने समय छ । कर्मबल पनि बढ्नेछ । सन्तान वा सहयोगीका माध्यमबाट काम बन्ने देखिन्छ । रमाइलो यात्राको अवसर जुट्ने योग छ । नजिकका साथीभाइ टाढिए पनि टाढाका साथीभाइसँग सम्बन्ध जोडिनेछ । विशेष कार्यमा परिजनको साथ मिल्ला । आर्थिक कठिनाइको सामना गर्नुपर्ने सम्भावनाप्रति सजग रहनुहोला ।
कुम्भ राशि (गु, गे, गो, सा, सि, सु, से, सो, द):– सामाजिक काममा रुचि बढ्ने दिन छ । गरेका कामबाट धेरैलाई फाइदा पुग्न सक्छ । व्यवसायिक कामबाट फुर्सद मिल्ला । कतै अतिथिका रूपमा सत्कार मिल्ने देखिन्छ । प्रयत्न गर्दा घरेलु काममा फाइदा पुग्नेछ । रोकिएका काम पुनः प्रयत्न गर्दा सफलता मिल्ल । आरोग्यबल बढ्नेछ । मिठो भोजन प्राप्त हुनेछ । शत्रुमाथि विजय प्राप्त हुनेछ ।
मिन राशि (दि, दु, थ, झ, ञ, दे, दो, च, चि):– प्रतिभाको कदर हुने र बौद्धिक प्रतिस्पर्धामा अरूलाई उछिन्न सकिने समय छ । दिगो आम्दानी हुने काम सुरु गर्ने अवसर जुर्ला । प्रतिष्ठित काम गरेर प्रशंसा प्राप्त गर्न सकिनेछ । एउटै कामबाट दोहोरो लाभ मिल्ने योग छ । धार्मिक अनुष्ठान र मंगलमय कृत्य सम्पादन हुन सक्छन् । महत्वपूर्ण कार्यमा अरुको भर नपर्नु हितकर हुनेछ । यात्रामा सफलता प्राप्त होला ।
राशिफलमा जे जस्तो उल्लेख भएपनि तपाईको आजको दिन सुखद रहोस्
प्रतिक्रिया दिनुहोस्