बर्डफ्लुबाट प्रभावित किसानले करिव ५८ करोड रुपैयाँ क्षतिपूर्ति पाउने

मन्त्रीपरिषद् बैठकले २०७८ को माघदेखि असार मसान्तसम्मको अवधिमा बर्डफ्लुबाट प्रभावित किसानलाई क्षतिपूर्ति दिने गरेको निर्णयानुसार बर्डफ्लुबाट प्रभावित देशभरका सयौँ किसानले क्षतिपूर्ति पाउने भएका छन् ।  जसअनुसार देशभरका किसानले करिव ५८ करोड रुपैयाँ क्षतिपूर्ति पाउने बताइएको छ ।

पशुसेवा विभागका अनुसार क्षतिपूर्ति दिने काम अघि बढेको छ अव  मन्त्रिपरिषद्को निर्णयबाट देशका विभिन्न १५ वटा जिल्लाका ३०० भन्दा धेरै किसानले क्षतिपूर्ति पाउनेछन् ।

- Advertisement -

सरकारले दिने क्षतिपूर्ति बापतको रकम पाउन सम्बन्धित जिल्लाबाट किसान काठमाडौँ आउनै नपर्ने व्यवस्था मिलाएको पशुसेवा विभागले जनाएको छ । अर्थ मन्त्रालयबाट सिधै जिल्लाको खातामा क्षतिपूर्ति बापतको रकम जानेछ ।