काठमाडौँ – संघीय संसद सचिवालयका सचिव ध्रुवप्रसाद घिमिरेले पदबाट राजीनामा दिएका छन् ।
उमेर हदले अवकाश हुन ९ महिना अवधि बाँकी रहँदै उनले राजीनामा दिएका हुन् । घरायसी कामका कारणले राजीनामा दिएको सचिव घिमिरेले बताएका छन् ।
- Advertisement -
घिमिरे संघीय संसद् सचिवालयको प्रशासन महाशाखा प्रमुख थिए ।
घिमिरेले मङ्गलवार सचिवालयका महासचिव भरतराज गौतमसमक्ष राजीनामा दिएका थिए । बुधबार नै उनको राजीनामा स्वीकृत भएको हो ।
समिति सचिवालयका अनुसार बुधबार राष्ट्रिय सभा अध्यक्ष गणेशप्रसाद तिमिल्सिनाको अध्यक्षतामा बसेको संसद सचिवालय व्यवस्थापन समितिको बैठकले घिमिरेको राजीनामा स्वीकृत गरेको हो ।
प्रतिक्रिया दिनुहोस्