रगत बगाएर ल्याएको परिवर्तन रक्षाको निम्ति नयाँ लडाइँमा जानुपर्छ: प्रधानमन्त्री प्रचण्ड

काठमाण्डौ – प्रधानमन्त्री पुष्पकमल दाहाल ‘प्रचण्ड’ले रगत बगाएर ल्याएको परिवर्तनको रक्षाका निम्ति नयाँ लडाइँमा जानुपर्ने बताएका छन् ।

समाजवादी मोर्चाको शुक्रबार आयोजित गण्डकी प्रदेशस्तरीय सन्देश सभालाई सम्बोधन गर्दै उनले नयाँ लडाइँमा जानुपर्ने चेतना आएको बताए ।

- Advertisement -

‘परिस्थितिले हामीलाई के सिकाउँदैछ भने हामी विभाजित भएर होइन, एकताबद्ध भएर हामी आफैंले रगत बगाएर ल्याएको परिवर्तनको रक्षाको निम्ति फेरि एउटा नयाँ लडाइँमा जानुपर्छ भन्ने चेतना आयो,’ उनले भने ।

पार्टी एकताको हतार गर्दा दुर्घटना हुने सम्भावना बढी हुने भएकाले समाजवादी मोर्चामार्फत देशलाई सुशासन र समृद्धितर्फ लैजाने कामहरू गरिरहेको उनले बताएका छन् ।