नेप्सेमा १९ अंकको गिरावट, २६०० को मनोवैज्ञानिक विन्दु तोडिँदै सवा ३ अर्बको कारोबार

सवा ३ अर्ब माथिको कारोबार
बजार घटे पनि कारोबार रकम भने साढे ३ अर्ब नजिक पुगेको छ। आज दिनभर भएका ५३ हजार १५३ पटकको किनबेचमा ३५० कम्पनीका ८५ लाख ७२ हजार ९७० कित्ता सेयर कुल ३ अर्ब २३ करोड ९७ लाख ६० हजार ५४९ रुपैयाँमा खरिदबिक्री भए।

सबै उपसमूह राताम्मे, जलविद्युतमा बढी प्रहार
आज बजारका सबै १३ वटा उपसमूहको सूचक नकारात्मक (राताम्मे) रहे। जसमध्ये जलविद्युत (हाइड्रोपावर) उपसमूहमा सबैभन्दा बढी १.१९ प्रतिशतको गिरावट देखियो। सामूहिक लगानी कोष र बैंकिङ उपसमूहमा पनि गिरावट आयो। समग्र बजारमा आज ४७ कम्पनीको सेयर मूल्य बढ्दा २२९ कम्पनीको मूल्य घट्यो भने २ कम्पनीको मूल्य स्थिर रह्यो।