काठमाडौँ – सेयर बजार मापक नेप्से परिसूचक घट्ने क्रमले मंगलबार पनि निरन्तरता पायो । मंगलबार नेप्से १.५४ अंक घटेर २७३३ अंकमा झरेको छ । यसअघि अघिल्ला तीन कारोबार दिन पनि नेप्से लगातार घट्दै आएको छ ।
नेप्से घटे पनि मंगलबार कारोबार रकममा भने वृद्धि भएको छ । मंगलबार ६ अर्ब ४४ करोड कारोबार भयो । अघिल्लो कारोबार दिन ४ अर्ब ८ करोडको कारोबार भएको थियो । यो गत वैशाख यताकै सर्वाधिक कारोबार हो ।
- Advertisement -
१०५ कम्पनीको मूल्य बढ्यो भने १५१ को घट्यो । १५ कम्पनी स्थिर रहे । फाइनान्स उपसमूहको मूल्य सर्वाधिक १.०१ प्रतिशतले घट्यो ।
बजारमा नयाँ सूचीकृत दुई कम्पनी सोपान फर्मास्युटिकल्स र कालिन्चोक हाइड्रोपावरको मूल्य सबैभन्दा धेरै समान १५ प्रतिशतले बढे ।
क्रेस्ट माइक्रोलाइफ इन्स्योरेन्सको मूल्य सबैभन्दा धेरै ९।१६ प्रतिशत घट्यो । सेन्ट्रल फाइनान्स, आँखुखोला जलविद्युत्, अपर हेवाखोला, नेपाल रिइन्स्योरेन्स, रिडी पावर तथा शिवम् सिमेन्ट धेरै कारोबार हुने कम्पनीमा अगाडि रहे ।
प्रतिक्रिया दिनुहोस्