काठमाडौं – परराष्ट्रमन्त्री शिशिर खनाल तीनदिने भारत भ्रमण सम्पन्न गरी स्वदेश फर्केका छन् । उनी आईतबार साँझ काठमाडौं आइपुगेका हुन् ।
उनी शुक्रबार भारत भ्रमणमा गएका थिए । शुक्रबार उनीसँग नयाँ दिल्लीमा भारतीय राष्ट्रिय सुरक्षा सल्लाहकार अजित डोभालले भेटवार्ता गरेका थिए ।
शुक्रबार नै परराष्ट्रमन्त्री खनालसँग भारतीय जनता पार्टीको विदेश विभाग प्रमुख विजय चौथाइवालेले शिष्टाचार भेट गरेका थिए ।
शनिबार नयाँ दिल्लीमा परराष्ट्रमन्त्री खनाल र भारतीय विदेशमन्त्री एस जयशंकरबीच वार्ता भएको थियो ।
- Advertisement -
भारत भ्रमणका क्रममा भारतीय प्रधानमन्त्री नरेन्द्र मोदीसँग भने परराष्ट्रमन्त्रीको शिष्टाचार भेटवार्ता हुन सकेन । भारतीय प्रधानमन्त्रीको कार्य व्यस्तताका कारण भेटवार्ता हुन नसकेको भनाइ स्रोतको छ ।
प्रतिक्रिया दिनुहोस्