नेप्सेमा दोहोरो अंकको गिरावट, ५ अर्ब ६२ करोडको कारोबार

काठमाडौं – साताको अन्तिम कारोबारमा सेयर बजार नकारात्मक भएको छ । बजार ११.३७ अंक घटेर साताको कारोबार बन्द भएको हो ।

बजार परिसूचक २७५५.४१ विन्दुमा झरेको छ । यसदिन ७४ कम्पनीको सेयर मूल्य बढेको छ । १८४ कम्पनीको सेयर मूल्य घटेको छ । ११ कम्पनीको सेयर मूल्य स्थिर रह्यो ।

- Advertisement -

पाँच अर्ब ६२ करोड ५६ लाख ११ हजार रुपैयाँ बराबरको सेयर किनबेच भएको छ । एक करोड २७ लाख ३२ हजार कित्ता सेयर ५५ हजार ४६७ पटकमा किनबेच भएको छ ।

कालीन्चोक हाइड्रो, उपकार लघुवित्त, लक्ष्मी बैंक डिबेन्चर, बेष्ट फाइनान्स, सिटी होटेल उच्च कमाउने शार्ष स्थानमा रहेका कम्पनी हुन् ।

समूहगत सूचकतर्फ फाइनान्स समूह २.७७, होटेल एन्ड टुरिजम ०.०५, म्युचअल फण्ड ०.२७, नन लाइफ इन्स्योरेन्स ०.०६ प्रतिशत बढ्दा बाँकी समूह घटेका छन् ।