काठमाडौं – आईसीसी विश्वकप लिग २ को आगामी सिरिजका लागि नेपाली टोलीको घोषणा गरिएको छ। नेपाल क्रिकेट संघ (क्यान)ले नेपाल, अमेरिका र स्कटल्याण्ड सम्मिलित सिरिजका लागि रोहित पौडेलको कप्तानीमा १५ सदस्यीय टोली घोषणा गरेको हो।
टोलीमा इशान पाण्डे पनि अटाएका छन्। उनले ७ वर्षपछि राष्ट्रिय टीममा कमब्याक गर्दैछन्। यद्यपि, उनले एकदिवसीय ढाँचामा भने खेलेका छैनन्। २०१९ मा उनले जिम्बाब्वेविरुद्ध टी–२० आई खेलेका थिए।
- Advertisement -
प्रतियोगिता मे १२ देखि २२ सम्म कीर्तिपुरस्थित टियु मैदानमा सुरु हुनेछ। यसअघिको ओमान र यूएईसँगको सिरिजमा नेपालले ४ खेलमा ३ जित निकालेको थियो।
नेपाली टोलीः रोहित पौडेल (कप्तान) दीपेन्द्र सिंह ऐरी (उपकप्तान), कुशल भुर्तेल, आरिफ शेख, भीम सार्की, आशिफ शेख, ईशान पाण्डे, गुलशन झा, सोमपाल कामी, सन्दीप लामिछाने, ललित राजवंशी, विनोद भण्डारी, नन्दन यादव, अर्जुन कुमाल र करण केसी
प्रतिक्रिया दिनुहोस्