काठमाडौं – सामाजिक सञ्जालमाथिको प्रतिबन्ध र भ्रष्टाचारविरूद्ध ‘जेन–जी’ पुस्ताले प्रदर्शनको तयारी गरेको छ । भ्रष्टाचार र सामाजिक सञ्जाल बन्द विरोधमा उनीहरूले काठमाडौंको सोमबार माइतीघर मण्डलमा प्रदर्शन गर्न लागेका हुन्।
सन् १९९० को दशकको बिचदेखि सन् २०१० को दशकको मध्यान्तरबिचमा जन्मिएका (अझ सटिक रूपमा भन्दा सन् १९९७ देखि २०१२ बिचमा जन्मिएका) जनसंख्यालाई अंग्रेजी वर्णमालाको अन्तिम अक्षर ‘जेड’सँग जोडेर ‘जेनेरेसन–जेड’ अर्थात् छोटकरीमा ‘जेन–जेड’ भनिन्छ । अमेरिकन इंग्लिसमा ‘जेड’लाई ‘जी’ उच्चारण गर्ने भएकाले ‘जेन–जी’ पनि भन्ने गरिन्छ ।
- Advertisement -
सरकारले भदौ १२ गते सात दिनको समय दिएर २६ सामाजिक संजाल निष्क्रिय गर्ने निर्णय गर्यो । यसअघि २०८० मंसिरमा सामाजिक सञ्जाल निर्देशिका जारी गरी सूचीकृत हुन अनुरोध गरेको थियो । प्रतिबन्धसँगै जेन–जी’ पुस्तामा असन्तोष फैलिएको छ ।
सरकारको कदमले युवामाझ आपसी सम्पर्क, सिर्जनशीलता र समूहगत गतिविधिमा कमी आउने, आर्थिक दृष्टिले हेर्दा अनलाइन व्यापार, ई–कमर्स, डिजिटल मार्केटिङ र विज्ञापन उद्योग ठप्प हुने खतरा रहेको भन्दै जेन्जीले आन्दोलनको घोषणा गरेका हुन् ।
उनीहरुले विद्यार्थीलाई ड्रेस र पुस्तक नै बोकेर सडकमा उत्रिन आह्वान गरेका छन् । विशेष गरी नेताका परिवारका सदस्यको रवाफिलो शैलीमाथि पनि उनीहरुले प्रश्न उठाएका छन् । त्यसको पनि विरोध भएको सामाजिक सञ्जालमा उल्लेख गरिएको छ ।
जेनजीको आन्दोलनलाई कन्टेन्ट क्रियटर्सहरुले साथ दिएका छन् । टिकटक लगायतका प्लेटफर्म धेरै फ्लोवर्स भएका प्रयोगकर्ताले राजनीतिकरण हुन नदिन पनि अपिल गरिरहेका छन् ।
आजको दिनमा २८ देखि १३ वर्ष उमेर पुगेकाहरू यो उमेर समूहमा पर्छन् । यो पुस्ताका सबैभन्दा ज्येष्ठ समूहसमेत हुर्केर बुझ्ने हुँदासम्म सामाजिक सञ्जालको विकास भइसकेको थियो । त्यसैले उनीहरू सानैदेखि फेसबुक, युट्युबजस्ता माध्यमसँग परिचित हुँदै हुर्किए । कतिले यी माध्यममै आफ्नो नामसमेत बनाए ।
सूचीमा एकजना त विश्वको प्रतिष्ठित नोबेल शान्ति पुरस्कार विजेतासमेत छिन् । यहाँ सामाजिक सञ्जालदेखि विभिन्न क्षेत्रमा आफूलाई स्थापित गरेका विश्वचर्चित जेन–जी पुस्ताको परिचय दिइएको छ ।
प्रतिक्रिया दिनुहोस्