काठमाडौं – स्पेन भ्रमणमा रहेका प्रधानमन्त्री केपी शर्मा ओली र इजिप्टका प्रधानमन्त्री डा. मोस्तफा कमाल माडबुलीबिच सोमबार द्विपक्षीय भेटवार्ता भएको छ ।
संयुक्त राष्ट्रसंघको ‘विकासका लागि वित्त’ सम्बन्धी चौथो अन्तरराष्ट्रिय सम्मेलनका क्रममा स्पेनको सेभियामा रहेका प्रधानमन्त्री ओली र इजिप्टका प्रधानमन्त्री माडबुलीबिच भेट भएको हो ।
- Advertisement -
भेटका अवसरमा दुईपक्षीय सम्बन्ध र आपसी हितका विविध पक्षमा छलफल भएको जनाइएको छ । प्रधानमन्त्री ओलीसँगै प्रधानमन्त्रीका मुख्य सल्लाहकार विष्णुप्रसाद रिमाल, परराष्ट्र मन्त्रालयका सचिव अमृतबहादुर राई, प्रधानमन्त्री तथा मन्त्रिपरिषद् कार्यालयका सचिव राजकुरमा श्रेष्ठ, स्पेनका लागि नेपाली राजदूत सनिल नेपाल लगायत भेटवार्तामा सहभागी थिए ।
सोमबारै प्रधानमन्त्री ओली र पोर्चुगलका प्रधानमन्त्री लुइ मोन्टेनेग्रोबिच द्विपक्षीय भेटवार्ता भएको छ । भेटका अवसरमा द्विपक्षीय सम्बन्ध र आपसी हितका विविध पक्षबारे छलफल भएको जनाइएको छ ।
प्रतिक्रिया दिनुहोस्