काठमाडौँ – पूर्वराजा ज्ञानेन्द्र शाह भोलि भारतको गोरखपुर जाने भएका छन् । भारतमा रहँदा उनले गोरखनाथ मन्दिर पुगेर विशेष पूजा गर्ने तयारी छ ।
भैरहवामा रहेका पूर्वराजा शाह बिहीबार भैरहवाबाट गोरखपुरतर्फ प्रस्थान गर्ने उनका संवाद सचिव फणीराज पाठकले जानकारी दिए ।
- Advertisement -
गोरखपुर भ्रमणका क्रममा पूर्वराजा शाहले भारतको उत्तर प्रदेश राज्यका मुख्यमन्त्री योगी आदित्यनाथसँग समेत भेटवार्ता गर्ने कार्यक्रम छ ।
गोरखनाथ मन्दिरमा पूर्वराजाले खिचडी चढाउने प्रचलन छ । सोही परम्परालाई निरन्तरता दिँदै पूर्वराजा शाह गोरखपुर जान लागेका हुन् । सोही अवसरमा उत्तर प्रदेशका मुख्यमन्त्री आदित्यनाथ पनि गोरखनाथ आउने बताइएको छ ।
प्रतिक्रिया दिनुहोस्