काठमाडौं – मितेरी सहकारी ठगीबारे नेपाली कांग्रेसका उपसभापति धनराज गुरुङलाई प्रहरीले दोस्रो पटक बयान लिएको छ। गुरुङलाई केन्द्रीय अनुसन्धान ब्युरोमा बोलाएर करिब ५ घण्टा सोधपुछ गरिएको हो।
ललितपुर महानगरपालिका वडा नम्बर–५ स्थित महालक्ष्मीस्थानमा सञ्चालित मितेरी बचत तथा ऋण सहकारीको रकम अपचलन गरेको घटनामा यसअघि कार्तिक २८ मा प्रहरीले उनलाई सोधपुछ गरेको थियो।
- Advertisement -
सहकारीको रकम हिनामिना गरेको भन्दै सहकारीका सञ्चालक ज्योति गुरुङसहित ५ जना विरुद्ध जाहेरी परेको छ।
प्रहरीले गुरुङसँग उनकी पूर्व पत्नि ज्योति गुरुङले अपचलन गरेको रकम, सहकारीबाट लिएको ऋण, र उनले भुक्तान गरेको भनिएको ९२ लाख सम्बन्धि सोधपुछ गरेको बताइएको छ। गुरुङकी श्रीमती ज्योति गुरुङ २०५७ साल देखि सहकारीको कर्मचारी रहेको र २०७५ सालमा कार्यकारी प्रमुख रहेकी थिइन।
उनीहरूको बिचमा २०७६ फागुन २९ मा ललितपुर जिल्ला अदालतबाट सम्बन्धविच्छेद भएको भेटिएको छ।
प्रतिक्रिया दिनुहोस्