चैत ०९ गते शुक्रबारको तपाईको दैनिक तपाईको राशिफल

आज मिति वि.सं.२०८० चैत ०९ गते शुक्रबार ई.सं.२०२४ मार्च २२ नेपाल सम्बत ११४४ चिल्लाथ्व त्रयोदशी, पिङगल नाम संवत्सर सूर्य उत्तरायणं शिशिर ऋतु, फाल्गुण शुक्ल त्रयोदशी, चन्द्रमा सिंह राशिमा, मघा नक्षत्र, धृति योग, कौलव करण । आज नेपालमा सूर्योदय बिहान ०६:०५ बजे भयो भने सूर्यास्त साँझ ०६:१६ बजे हुनेछ ।

मेष राशि (चु, चे, चो, ला, लि, लु, ले, लो, अ): यशवर्चश्व वृद्धि हुनेछ । रोकिएको काम बन्नुका साथै नयाँ काममा पनि सफलता मिल्ला । व्यावसाय विस्तारका लागि यात्रा गर्ने अवसर जुट्न सक्छ । विशेष उपहार प्राप्त हुनुका साथै धनलाभ हुनेछ । जग्गा जमिनबाट पनि लाभ मिल्नेछ । पुरानो समस्याले केही झमेला आइलाग्न सक्छ ।

बृष राशि (इ, उ, ए, ओ, बा, बि, बु, बे, बो): धन सम्पत्ति र मान महत्व वृद्धि हुने समय छ । मित्रजनको सहयोग प्राप्त होला । परिवारिक सुख बढ्नेछ । रोकिएका काम सम्पादन हुने योग छ । सवारी साधनको प्रयोगमा आजको दिन विशेष सावधानी अपनाउनु हितकर होला । बौद्धिक क्षेत्रको काममा लामो यात्राको सम्भावना छ । मातापिता, मान्यजन वा विशिष्ट व्यक्तिसँग विवाद हुनसक्छ, सावधानी अपनाउनुहोला ।

मीथुन राशि (का, कि, कु, घ, ङ, छ, के, को, ह): शुभता र आरोग्यता बढ्नेछ । ख्याति फैलिनेछ । मनोकूलको काम बनेर मन प्रशन्न रहला । सामाजिक उत्तरदायित्व वहन गर्ने समय छ । अधिकार प्राप्तिका लागि गरिएको प्रतिस्पर्धामा विजयी भइने छ । शत्रुहरूको चलखेल बढे पनि जित तपाईंकै हुनेछ ।

कर्कट राशि (हि, हु, हे, हो, डा, डि, डु, डे, डो): खेलकूद भ्रमण आदिमा आकर्षण बढ्नेछ । लगानी तथा खर्च वृति होला । अरुको सहयोगको भर नपर्नु हितकर होला । परिश्रमको राम्रै प्रतिफल प्राप्त भएपनि आजको दिन अप्ठ्यारा परिस्थितिसँग सम्झौता गर्नुपर्दा खिन्नता महसूस हुन सक्छ । रसरागमा भने आकर्षण बढ्नेछ ।

सिंह राशि (मा, मि, मु, मे, मो, टा, टि, टु, टे): रोकिएको काम बन्नुका साथै नयाँ काममा पनि सफलता मिल्नेछ । विजयश्री प्राप्त होला । चुनौती र अप्ठ्यारा हटाउन आज गरिएको प्रयास सफल हुनेछ । रमाइलो यात्राको सम्भावना छ र त्यसबाट दीर्घकालिक फाइदा पुग्ने देखिन्छ । विशेष योजना गोप्य राखेर अघि बढ्नुहोला ।

कन्या राशि (टो, प, पि, पु, ष, ण, ठ, पे, पो): कर्मबल बढ्नेछ । मनोकूलको काममा सफलता मिल्नेछ । उच्चाधिकारीको साथ मिल्नेछ । नयाँ काम र जिम्मेवारी हात पार्ने मौका मिल्ला । पढाइमा पनि राम्रै प्रगति हुनेछ । आर्थिक पक्ष सबल छ । स्वास्थ्यमा समस्या देखा पर्न सक्छ, सावधान रहनुहोला ।

तुला राशि (र, रि, रु, रे, रो, ता, ति, तु, ते): सुख शान्ति सौभाग्य वृद्धि हुनेछ । पारिवारिक सुख मिल्नुका साथै अध्ययन–अध्यापनको क्षेत्रमा प्रगतिको खबर सुन्न पाइएला । सानातिना काम र घरेलु समस्यामा नै आजको समय व्यतीत भएपनि त्यसबाट राम्रो लाभ हुनेछ । अप्ठ्यारो परिस्थितिमा पनि केही काम बन्नेछन् । आरोग्यता रहनेछ ।

बृश्चिक राशि (तो, ना, नि, नु, ने, नो, या, यि, यु): आजको दिन अरुको भरमा नबस्नु हितकर रहला । जोखिम बढ्नेछ । खर्च बढेपनि आर्थिक पक्ष सुदृढ बन्नेछ । स्वास्थ्यप्रति विशेष ध्यान दिनु उचित हुनेछ । न्यायिक, कानुनी वा प्रतियोगितात्मक क्रियाकलापमा विजय प्राप्त हुनेछ । मनमा दोधारको अवस्था सिर्जना हुनसक्छ । यात्रामा पनि सोचेजस्तो रमाइलो नहुन सक्छ ।

धनु राशि (ये, यो, भ, भि, भु, ध, फा, ढ, भे): उन्नति पदोन्नतिको योग छ । साझेदारीको काममा सफलता प्राप्त गर्नुहुनेछ । मनोरञ्जनपूर्ण समय रहेको छ, तर आजको दिन अनावश्यक यात्राबाट भने जोगिनु हितकर हुनेछ । कामधन्दा र व्यवसायको चापले गर्दा प्रेमसम्बन्ध वा दाम्पत्य जीवनमा सामान्य चिसोपन देखिन सक्छ । स्वास्थ्यमा अलिक कमजोरी अनुभूति होला । मिठो भोजन प्राप्त गर्नुहुनेछ ।

मकर राशि (भो, ज, जि, खि, खु, खे, खो, गा, गि): आरोग्यता वृद्धि हुनेछ । रोकिएको काम बन्नुका साथै यश वर्चस्व बढ्ला । आफन्तको सहयोग प्राप्त हुनेछ । परिणाममुखी काममा लगानीको समय छ । नचिताएको स्थानबाट धन आगमन हुने सम्भावना छ । शरीर फूर्तिलो भएको महसुस हुनेछ । आज बोलीको विपरीत अर्थ लाग्न सक्छ, संयम भइ व्यवहार गर्नुहोला ।

कुम्भ राशि (गु, गे, गो, सा, सि, सु, से, सो, द): प्रेमभाव बढ्नेछ र इष्टमित्रको साथ मिल्ने समय छ । सन्तानसुख बढ्ला । शरीरमा उत्साह र उमङ्ग प्राप्त हुनेछ । स्वास्थ्य सबल रहनेछ र काममा पनि फाइदाको योग छ । पराक्रम र उत्साह बढ्नेछ । प्रतिस्पर्धी परास्त हुनेछन् । आम्दानी बढ्ने योग छ ।

मिन राशि (दि, दु, थ, झ, ञ, दे, दो, च, चि): आजको दिन अरुको भर नपर्नु हितकर हुनेछ । व्यस्तता र दौडधुप वृद्धि होला । भय, भ्रम र खर्च बढ्ने योग छ । भोगविलासमा आकर्षण रहला । चुनौतीका बाबजुद नसोचेको काम बन्न सक्छ । जीवनसाथी, सन्तति वा विपरीतलिङ्गी साथीसँग सम्बन्ध आत्मीय बन्ने सम्भावना छ ।

तपाईको दिन शुभ रहोस्