प्रचण्डको शैली निरंकुशतातर्फ जान खोज्यो, टिकटक बन्द गरेर सत्ता टिक्दैन: विप्लव

काठमाण्डौ – नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ले प्रधानमन्त्री पुष्पकमल दाहाल ‘प्रचण्ड’ले जनताको मुख थुन्न खोजेको टिप्पणी गरेका छन् ।

शनिबार काठमाण्डौमा आयोजित कार्यक्रमलाई सम्बोधन गर्दै उनले प्रधानमन्त्री प्रचण्डको शैली निरंकुशतातर्फ जान खोजेको आरोप लगाए ।सामाजिक सञ्जाल टिकटकमाथि प्रतिबन्ध लगाउँदैमा सत्तामा टिकिन्छ भन्ने नठान्न पनि उनले चेतावनी दिए ।

‘मान्छेको मुख बन्द गरेर भन्दा धेरै मन जितेर सत्ता टिकाउन सकिन्छ, सरकारको काम–कारबाहीले अहिले धेरै मान्छेहरूको मनमा त्रास छाएको छ,’ उनले भने, ‘जनतालाई असन्तुष्ट बनाएर सत्ता टिकाउन सकिँदैन । जनताको मन जितेर पो सत्ता टिक्छ त ! मान्छेको मुख बन्द गरेर टिक्छ ?’

नेपालमा राजतन्त्र र सामन्तहरू फर्किने सम्भावना नरहेको उनले बताएका छन् ।