काठमाडौं- प्रधानमन्त्री पुष्पकमल दाहाल प्रचण्डले संवैधानिक परिषदको बैठक बोलाएका छन् ।
आउदो शुक्रबार विहान ९ बजे सिंहदरबारमा बस्ने गरी संबैधानिक परिषदको बैठक बोलाएको उनको सचिवालय स्रोतले जनाएको छ । यो बैठकले प्रधानन्यायाधीश नियुक्ति सिफारिस गर्ने तयारी रहेको स्रोतको भनाइ छ ।
- Advertisement -
चोलेन्द्रशमशेर जबराको अनिवार्य अवकाश पछि गत २७ मंसिरदेखि प्रधानन्यायाधीश पद रिक्त छ । हाल कायम मुकायम प्रधानन्यायाधीश हरिकृष्ण कार्की रहेका छन् ।
संवैधानिक परिषदको अध्यक्ष प्रधानमन्त्री प्रचण्ड रहने छन भने सदस्यमा विपक्षी दलका नेता केपी शर्मा ओली, सभामुख देवराज घिमिरे, राष्ट्रिय सभा अध्यक्ष गणेश तिमल्सिना र उपसभामुख इन्दिरा राना रहने छन्।
प्रधानन्यायाधीश नियुक्ति सिफारिसका लागि बस्ने संवैधानिक परिषदको बैठकमा भने कानुन, न्याय तथा संसदीय मामिलामन्त्री सदस्य रहनेछन् । हाल कानुनमन्त्री पद पनि रिक्त छ ।
प्रतिक्रिया दिनुहोस्