काठमाडौं– नेपाली चलचित्र ‘जारी’ लिक भएपछि ३२ वटा सामाजिक सञ्जालका अकाउन्टविरुद्ध निर्माता मणिराम पोखरेलले साइबर ब्यूरोमा उजुरी परेको छ।
सिनेमा पाइरेसी भइरहेको भन्दै साइबर ब्यूरोमा उजुरी उनले दिएका छन् । उनले टिकटक, युट्युब र फेसबुकसहित केही व्यक्तिको नाम नै उल्लेख गरी कारवाहीका लागि निवेदन दिएका छन्। सिनेमाले दुई दिनमा ४ करोड २० लाख बढीको व्यापार गरिसकेको छ ।
हलमा खिचेर ती अकाउन्टबाट सिनेमाका दृश्य हाल्दा निर्मातालाई आर्थिक नोक्सान भएकाले पाइरेसीमा संलग्नको अनुसन्धान गरी क्षतिपूर्ति दिलाइदिन समेत निर्माता पोखरेलले माग गरेका छन्। चलचित्र वैशाख १ गते रिलिज भएको हो । यसअघि पनि छक्कापञ्जा ४ पाइरेसी भएको भन्दै निर्माताले साइबर ब्युरोमा उजुरी दिएका थिए । प्रहरीको तदारुकतामा पाइरेसी गरिएका एकाउन्टबाट ती दृश्य हटाइएको थियो ।
प्रतिक्रिया दिनुहोस्