आजको मौसम: लुम्बिनी र सुदूरपश्चिममा हावाहुरी, केही स्थानमा वर्षा हुने

काठमाडौं – देशका केही स्थानमा आज हावाहुरी चल्ने सम्भावना छ । केही स्थानमा वर्षाको सम्भावना रहेको मौसम पूर्वानुमान महाशाखाले जनाएको छ ।

महाशाखाका अनुसार हाल देशका पहाडी भू–भागमा आंशिक बदली छ । बाँकी भू–भागको मौसम सामान्यतया सफा छ ।

- Advertisement -

लुम्बिनी प्रदेश र सुदूरपश्चिम प्रदेशका तराईका थोरै स्थानमा हावाहुरीको समेत सम्भावना रहेको महाशाखाले जनाएको छ ।

राति पहाडी भू–भागमा आंशिक बदली रहनेछ । बाँकी भू–भागको मौसम सामान्यतया सफा रहने महाशाखाले जनाएको छ ।

महाशाखाका अनुसार हाल देशमा स्थानीय वायुको साथै पश्चिमी वायुको आंशिक प्रभाव छ ।