काठमाडौँ – नेपाली कांग्रेसले बारा–२ मा सत्ता साझेदार दल जनता समाजवादी पार्टीका अध्यक्ष उपेन्द्र यादवलाई सघाउने निर्णय गरेको छ।
आइतबार सानेपामा बसेको केन्द्रीय कार्यसम्पादन समितिको बैठकले वैशाख १० गते हुने उपनिर्वाचनमा बारा–२ मा अध्यक्ष यादवलाई सघाउने निर्णय गरेको सहमहामन्त्री जीवन परियारले जानकारी दिएका छन्।
एमालेले तनहुँ–१ मा सर्वेन्द्र खनाल र चितवन–२ मा रामप्रसाद न्यौपानेलाई उम्मेदवार बनाएको छ। बारा २ मा एमालेले उम्मेदवार टुंगो लगाउन बाँकी छ।
रास्वपाले चितवन २ मा सभापति रवि लामिछाने, तनहुँ १ मा डा. स्वर्णिम वाग्ले र बारा–२ मा रमेश खरेललाई अघि सारेको छ।
प्रतिक्रिया दिनुहोस्